लागु औषध (अफिम) सहित ३ जाने पक्राउ
पहुरा समाचारदाता
धनगढी, १७ असार । कैलाली घोडाघोडी नगरपालिका वडा नं. ०१ सुखडसे २ किलो ७१४ ग्राम लागु औषध (अफिम) सहित ३ जाने पक्राउ परल बटै ।
लागु औषध नियन्त्रण ब्युरो ओ ईलाका प्रहरी कार्यालय सुखडसे प्रहरी नायव उपरीक्षक रमेशदत्त अवस्थीके कमाण्डमे खटल संयुक्त प्रहरी टोलीसे जिल्ला कैलाली घोडाघोडी नगरपालिका वडा नं. ०१ सुखड स्थित पञ्चकोशी होटल एण्ड रेष्टुरेण्टसे लागु औषध अफिमसहित पक्राउ करल जिल्ला प्रहरी कार्यालय कैलालीके प्रवक्ता राजकुमार सिंह जनैलै ।
परल परलमे हुम्ला जिल्लाके सुर्केगाड गाउँपालिका वडा नं. ०५ बैठना बर्ष ३२ के लोकेन्द्र बहादुर शाही, उहे वडाके बर्ष २७ के सालु शाही, रोल्पा जिल्ला सुनछहारी गाउँपालिका ७ बैठना बर्ष ३२ के पुर्णिमा पुनमगर रहल बटै ।
२ किलो ७१४ ग्राम लागु औषध (अफिम) सहित पक्राउ परल ओइनहे आवश्यक कारवाहीके लाग ईलाका प्रहरी कार्यालय सुखडके हिरासतमे धारके थप अनुसन्धान कार्य हुइटी प्रवक्ता सिंह जनैलै ।
