बाल कल्याण संघके वार्षिक समिक्षा तथा सामाजिक लेखा परिक्षण सम्पन्न

पहुरा समाचारदाता
जोशीपुर, १८ असार । कैलालीके जोशीपुरमे बाल कल्याण संघ टीकापुरसे बालबालिका तथा किशोर किशोरी, यूवा रुपान्तरणके लाग सशक्तीकरण ओ रुपान्तरणके लाग सशक्तिकरण एवं संगठन परियोजनाके वार्षिक समिक्षा तथा सामाजिक लेखा परिक्षण सम्पन्न करले बा ।

जोशीपुर गाउँपालिकाके बालबालिका तथा किशोरकिशोरी, यूवाहुक्रे घर तथा समुदायके सुरक्षित ओ सहयोगी बातावरणमे उचित स्याहार संरक्षण ओ वृिद्ध विकासके अवसर प्राप्त करैना मूल उद्देश्य बोकल बालकल्याणसे अपन बार्षिक प्रगति प्रतिवेदन प्रस्तुत करटी आगामी आ.व. २०८२÷०८३ के लाग बजेत बक्तव्यसहित बाल कल्याण संघसे वार्षिक समिक्षा तथा सामाजिक लेखा परिक्षण सम्पन्न करल हो ।

यी वर्ष ४१ ठो वाल क्लव ओ १४ ठो किशोरकिशोरी तथा युवा समूह सहजीकरण करके १३ सय ६३ बालबालिका ओ किशोरकिशोरीहुक्रे बाल क्लव ओ समूहमे सगठित हुके नियमित जीवन उपयोगी सीप, स्वस्थ्य, बालअधिकार, बाल दुव्र्यवहार ओ बाल सरक्षण, बाल हेल्पलाइन, वाल सरक्षण ओ वालवालिकाहुकनके मुद्दामे पहिचानसम्बन्धी छलफल हुइटी रहल बा ।
बाल क्लवमे सहभागी हुइना बालवालिकासे बालअधिकार, बालसंरक्षणके सवाल ओ दुव्र्यवहार ओ बाल हेल्पलाइनबारे जानल बटै । प्रतिकार कैना सचेत हुइल बटै ओ अपने जानल बाट सिखैना सेकल बटै । अभिभावक, संघसस्था ओ सेवा प्रदायक निकाय बालबालिकाप्रति सचेत हुके जिम्मेवारी बहन कैना अग्रसर हुइल बटै कलेसे उपलब्धी कार्यक्रमके प्रोजेक्ट कोर्डिनेटर (परियोजना संयोजक) रामलाल चौधरी बटैलै ।

आ.व. २०८१÷०८२ के कुल बजेट ६२ लाख ४३ हजार ५ सय ३९ मध्ये ५८ लाख ९३ हजार ६ सय ४३ रुप्या हालसम खर्च हुइल ओ ३ लाख ४९ हजार ८ सय ९६ रुप्या असार मसान्तसम खर्च हुइना आय व्यय कार्यक्रममे प्रस्तुत करल रहे कलेसे कार्यक्रममे जोशीपुर गाउँपालिका ओ लम्की नगरपालिका अन्तरगत करल कार्यक्रमके प्रतिवेदन ओ खर्च विवरण बाल कल्याण संघ टिकापुरके व्यवस्थापक नयन तारा श्रेष्ठ प्रस्तुत करलै ।

समिक्षा कार्यक्रमहे सम्बोधन करटी गाउँपालिका उपाध्यक्ष रेखादेवी कठरिया गाउँपालिकासे बालमैत्री शिक्षाके निति ल्यानल बटैली । यी कार्यक्रम बाल कल्याण तथा टमान संघसंस्थाके सहकार्य तथा समन्वयमे कैनाफे वहाँ बटैली । महिला तथा बालबालिका शाखासे लैगिक हिंसा कोष खडा करल बटैटी वहाँ हिंसा पीडित बालबालिका तथा महिलाहुक्रे अभिनफे हिंसा सहके लुकाके बैठल जानकारी डेली । छाउपरी प्रथा, लागु पदार्थ दुव्र्यसनीहे न्यूनिकरण करेक लाग सक्कुहुनके साथ सहयोगके आवश्यक रहलफे उहाँ बटैली ।

आ.व. २०८२÷०८३ के वार्षिक बजेट योजना अन्तरगत जम्मा बजेट ४१ लख ८ हजार ६ सय ७५ रुप्या रहल रहे । कार्यक्रममे गाउँपालिका अध्यक्ष चित्रबहादुर चौधरी, उपाध्यक्ष रेखादेवी कठरिया, वडा अध्यक्षहुक्रmे टमान महिला समूहके प्रतिनिधि, बाल क्लबके संयोजक तथा बालबालिकाहुकनके उपस्थिति रहल रहे ।