धनगढी नगर प्रहरीसे दुई हजार ढेर सापनके उद्धार

पहुरा समाचारदाता
धनगढी, १९ असार । कैलालीके धनगढीमे दुई हजार ढेर सापनके उद्धार करल बा ।

धनगढी उपमहानगरपालिकाके नगर प्रहरी बलसे साढे दुई वर्षके अवधिमे बुधसम दुई हजार १२ सापनके उद्धार करल हो ।
उपमहानगरपालिकाके नगर प्रहरी बलसे हालसम टमान प्रजातिके सापनके उद्धार करल जनैले बा । २०८० मे साप उद्धारसम्बन्धी तालिम लेके नगर प्रहरी बलसे उ काम सुरु करल रहे । तालिम प्राप्त नगर प्रहरीसे धनगढी उपमहानगरपालिकासहित छिमेकी पालिका पुगके साप उद्धार कैना काम करटी आइल बा ।

नगर प्रहरीसे अजिंगर, करेत, कमन करेत, लक्ष्मी नाग, करिया डोम, डोम, राज डोम (किङ कोब्रा), कमन कोब्रा, भाइपर पिट लगायतके सापनके उद्धार करल उपमहानगरके नगर प्रहरी बल जनैले बा ।

नगर प्रहरीसे उद्धार करके ल्यानल सापनहे सुरक्षित स्थानमे छोरना करल बा । यी आघे, साप उद्धारकर्ता नैहुके घरभिटर डेखल ढेर जैसिन सापनहे मर्ना करल रहे ।

आजकाल घर वा घर आसपासमे सापन डेखलपाछे मनै उद्धारके लाग नगर प्रहरीहे बलैना करल जनाइल बा । नगर प्रहरीसे साप उद्धारके काम सुरुपाछे ढेरके ज्यान जोगल बा ।