स्वदेशी सीप स्वदेशमे रोजगारमे परिणत करीः नगर उपप्रमुख राना

पहुरा समाचारदाता
धनगढी, २० असार । कैलालीके धनगढीमे महिला उद्यमीहुकनहे दुई दिने वित्तीय साक्षरता तालिम डेगिल बा ।

मानव अधिकारका लागि महिला एकल महिला समुह, सभा नेपालके संयुक्त आयोजना तथा यूएन वुमनके सहकार्यमे कोभिड–१९ पछि महिलाहरूको दिगो जीविकोपार्जनमा पहुँच वृद्घि, आर्थिक पुनःस्थापना र उत्थानशील परियोजनासे उद्यम संचालन करटी रहल महिलाहुकनहे (विफे ओ शुकके रोज) दुई दिने वित्तीय साक्षरता तालिम डेहल हो ।

तालिम समापन कार्यक्रमके प्रमुख अतिथि धनगढी उपमहानगरपालिकाके नगर उपप्रमुख कन्दकला कुमारी राना महिलाहुकनके स्वदेशमे आयमुलक सीपमुलक तालिम डेहे यिहे ठाउँमे रोजगारी सृजना कैना जरुरी रहल बटैली ।

उहाँ कहली, यहाँके यूवा तथा महिलाहुकनके अपने ठाउँमे सीप सिखके अपने गाउँठाउँमे रोजगारी करिट, प्रशिक्षक बनके नयाँ उद्यमी उत्पादन करिट कहिके सीप तथा रोजगार मेला लगाइल रहे । ढेर यूवा सीप सिखके उद्यम संचालन कैना सफल हुइल बटै । ढेर जानेक सीपमे वृद्धिफे हुइल बा । उपमहानगरपालिकासे महिला उद्यमीहुकनके लाग शनिवारिय मेला संचालनसे महिला उद्यमीहे फाइदा पुगल ।

महिला उद्यमीहुकनहे हिसाव किताव रख्ना तालिम महत्वपूर्ण रहलफे नगर उप प्रमुख राना बटैली ।

तालिम समापन कार्यक्रममे यूएन वु्मनके प्रदेश संयोजक प्रतिभा चौधरी महिलाहुकनके आघे बह्रइक लाग आर्थिक सशक्तीकरणमे जोर डेहल रही । महिलाहुकनके आर्थिक रुपमे बल्गर बनैले महिलाहुक्रे आघे बह्रना अवसर पैना उहाँ बटैली ।

कार्यक्रममे सभा नेपालके परियोजना संयोजक दलबहादुर ओली परियोजनाके सहभागीहुक्रे लैङ्गिक समानता ओ सामाजिक मान्यताके बारेमे ज्ञान ओ क्षमता बह्रल बटैलै ।

सहभागीहुक्रे व्यावसायिक ओ प्राविधिक सीप बह्रल, सहभागीहुक्रे दिगो व्यवसाय सुरु÷पुनर्जीवित करल, विश्वास ओ टोली सदस्यहुकने अद्वितीय शक्तिके उपयोगमे रणनीति निर्माण कैना सीप बह्रल, नियमित परामर्श ओ परामर्शसे महिलाके व्यक्तिगत ओ सामूहिक उद्यमहे बल्गर बनैना करल बा । लैङ्गिक उत्तरदायी बजार प्रणालीके बारेमे बजार अभिनेताहुक्रे, विक्रेता बीच बह्रटी जागरूकता, सहभागीहुकनके बजारमे पहुँच बह्रल बा ।

ओस्टेक करके लैङ्गिक उत्तरदायी वित्तीय सेवामे सम्बन्धित अभिनेताहुकनके जागरूकता बह्रल बा । सहभागीहुक्रे डिजिटल साक्षरता ओ डिजिटल÷ई–कमर्स प्लेटफर्म प्रयोग कैना क्षमता बह्रैले बटै । लैङ्गिक रूपमे आधारित हानिकारक सामाजिक मान्यता ओ अभ्यास विरुद्ध समुदायमे विकास ओ परिचालन करल सामुदायिक प्रशिक्षकके समूह, सहभागीहुक्रे अपन पहिचान ओ अधिकारके वकालत कैना नेतृत्व कौशल बह्रले बटै । स्थानीय सरकारके समकक्षी महिला घरेलु कामदारके मुद्दामे सचेत, सहभागीहुकनके क्षेत्रीय सञ्जालसंग अन्तर–सिकाइ अवसर ओ उत्कृष्ट अभ्यास साझा करेक लाग सम्बन्ध बनल परियोजना संयोजक ओली बटैलै ।

तालिम समापन कार्यक्रम मानव अधिकारका लागि महिला एकल महिला समुहके जिल्ला अध्यक्ष भगवती हमालके अध्यक्षतामे हुइल रहे । द्ुई दिनसम चलल तालिममे वित्तीय साक्षरता सम्बन्धी एनएमबी बैंकके म्यानेजर नन्दा भण्डारी, कैलाली उद्योग बाणिज्य संघके सदस्य कृष्णा विष्ट, सभा नेपालके परियोजना संयोजक दलबहादुर ओली प्रशिक्षण डेहल रहिट । तालिममे टमान मेरिक उद्यम संचालन करटी रहल ४८ जाने महिला उद्यमीहुकनके सहभागिता रहे ।