सुदूरपश्चिममे दुई विधेयक प्रमाणीकरण

पहुरा समाचारदाता
धनगढी, २९ असार । सुदूरपश्चिम प्रदेशमे दुई विधेयक प्रमाणीकरण हुइल बा ।

प्रदेश प्रमुख नजिर मियाँ अँटवार “आर्थिक वर्ष २०८२÷०८३ के सेवा ओ कार्यके लाग प्रदेश सञ्चित कोषसे रकम विनियोजन ओ खर्च कैना सम्बन्धमे व्यवस्था कैना बनल विधेयक” ओ “सुदूरपश्चिम प्रदेश सरकारके अर्थ सम्बन्धी प्रस्तावहे कार्यान्वयन कैना बनल विधेयक ” प्रमाणीकरण करल हुइट ।

सुदूरपश्चिम प्रदेश सभासे पारित हुके शुकके प्रमाणीकरणके लाग आइल विधेयक आवश्यक अध्ययनपाछे अँटवार प्रमाणीकरण करल प्रदेश प्रमुखके प्रमुख स्वकीय सचिव साविर अली जानकारी डेलै ।

विधेयक प्रमाणीकरणपाछे राजपत्रमे प्रकाशित हुइना बा । उ लगत्ते ऐनके रूपमे कार्यान्वयन हुइना बा । आर्थिक वर्ष २०८२÷०८३ के सेवा ओ कार्यके लाग प्रदेश सञ्चित कोषसे रकम विनियोजन ओ खर्च कैना सम्बन्धमे व्यवस्था कैना बनल विधेयक प्रदेश सरकारहे कानूनी आधारमे खर्च कैना अनुमति डेना बा कलेसे सुदूरपश्चिम प्रदेश सरकारके अर्थ सम्बन्धी प्रस्तावहे कार्यान्वयन कैना बनल विधेयकसे बजेट, नीति तथा कार्यक्रमहे कार्यान्वयन कैना कानूनी आधार तयार कैना बा ।