अभिनेता थारुहे प्रज्ञा प्रादेशिक प्रतिभा पुरस्कार

पहुरा समाचारदाता
धनगढी, ३० असार । अढाई दशकसे कला क्षेत्रमे क्रियाशील अभिनेता संगत थारुहे प्रज्ञा प्रादेशिक पुरस्कार प्रदान करल बा ।

२१२ औं आदिकवि भानु जयन्तीके अवसर पारके सुदूरपश्चिम प्रज्ञा प्रतिष्ठानसे उहाँहे प्रज्ञा प्रादेशिक पुरस्कार प्रदान करल हो । कार्यक्रममे बर्का पहुना रहल सुदूरपश्चिम प्रदेशके सामाजिक विकासमन्त्री मेघराज खड्का थारुहे अभिनन्दन पत्रसहित पुरस्कार हस्तान्तरण करल रहिट ।

कैलालीके धनगढी उपमहानगरपालिका–१ मे बैठ्टी आइल थारु अढाइ दशकसे कला क्षेत्रमे क्रियाशील रहल बटै । उहाँ थारु भाषाके सलिमासे लेके टमान म्युजिक भिडियोमे आपन भूमिका निर्वाह करले बटै ।

अनवरत रुपमे कलाकारिता क्षेत्रमे क्रियाशील रहल कहटी प्रतिष्ठानसे नाट्य तथा चलचित्र विधा ओर थारुहे प्रज्ञा प्रादेशिक पुरस्कारसे पुरस्कृत करल हो ।