कैलारी लगायत पाँच स्थानीय तहसे मुक्तकमैया दिवसके अवसरमे सार्वजनिक विदा डेना

पहुरा समाचारदाता
धनगढी, १ सावन । कैलाली जिल्लाके पाँच स्थानीय तहसे २५औ कमैया मुक्ती दिवसके अवसरमे सावन २ गते स्थानीय विदा डेना निर्णय कैले बा ।

कमैया मुक्ती दिवसके अवसर पारके कैलाली जिल्लाके कैलारी गाउँपालिका, भजनी नगरपालिका, टिकापुर नगरपालिका, जानकी गाउँपालिका व जोशीपुर गाउँपालिका सावन २ गते एक दिनके लाग स्थानीय विदा डेना निर्णय कैगिल सार्वजनिक सूचना प्रकाशित कैके जानकारी डेहल हो ।

शुक रोज उ स्थानीय तहमे रलक वडा कार्यालय, स्वास्थ्य संस्था, शैक्षिक संघसंस्था लगायत सरोकारवाला सम्बद्ध सार्वजनिक निकायमे मुक्तकमैया दिवसके अवसरमे एक दिन स्थानीय विदा डेना निर्णय कैलक हो ।