बेहडाबाबाहे धार्मिक पर्यटन क्षेत्रके रुपमे विकास जरुरीः मुख्यमन्त्री शाह
पहुरा समाचारदाता
धनगढी, २ सावन । सुदूरपश्चिम प्रदेशके मुख्यमन्त्री कमलबहादुर शाहसे बेहडाबाबा मन्दिरहे धार्मिक पर्यटन क्षेत्रके रुपमे विकास करेपर्ना बटैलै ।
बेहडाबाबा मन्दिर व्यवस्थापन समिति धनगढी उपमहानगरपालिका–१६ रामपुर कैलालीसे विफेक रोज बेहडाबाबा श्रावण मेला एकमास शिव महापुराण धार्मिक मेला महा–महोत्सव २०८२ ऐतिहासिक पश्चिमके ऐतिहासिक श्रावण मेलाके उदघाटन करटी उहाँ उ बाट बटैलै ।
उहाँ बेहडाबाबा मन्दिरहे राष्ट्रिय तथा अन्तराष्ट्रिय धार्मिक क्षेत्रके रुपमे चिन्हाइक लाग सक्कु जाने लागे पर्नामे जोड डेलै । धनगढी बेहडाबाबा मन्दिरहे जोरना शिवगंगा लडियामे पुल निर्माणके ढिलाइ कारण खोजी कैना ओ निर्माण कम्पनीहे बोलाके उहीहे आघे बह्रैना आर्थिक मामिला राज्यमन्त्री प्रकाश बमहे निर्देशन डेलै ।
साथे उहाँ परराष्ट्र मन्त्री डा. आरजु राणा देउवाके पहलमे प्रदेश सरकारसे करिब १३ करोड यी क्षेत्रके विकासके लाग विनियोजित करल बटैलै ।
