जबरजस्ती करणी अभियोगमे एक जाने पक्राउ

पहुरा समाचारदाता
धनगढी, ५ सावन । कैलालीमे १३ वर्षीया बालिकाहे जबरजस्ती करणी करल अभियोगमे एक जाने पक्राउ परल बटै ।

सुदूरपश्चिम प्रदेश प्रहरी कार्यालय धनगढीसे डेहल जानकारी अनुसार टीकापुर नगरपालिका–४ मौरनिया बैठना ५० वर्षीय रामकृष्ण चौधरीहे सोम्मार सकारे प्रहरी पक्राउ करल हो ।

चौधरी उ बालिकाहे जबरजस्ती करणी करल कना उजुरीके आधारमे इलाका प्रहरी कार्यालय टीकापुरसे खटल प्रहरी उहाँहे पक्राउ करल हो । यी सम्बन्धमे प्रहरी आवश्यक अनुसन्धान कैटी रहल बा ।