माधव सौप्लैं मोर्चाके जिम्मेवारी लौटनहे
पहुरा समाचारदाता
धनगढी, ६ सावन । थरुहट थारुवान राष्ट्रिय मोर्चा जिल्ला संयोजन समिति कैलालीके संयोजक माधव थारु मोर्चाके जिम्मेवारी सह–संयोजक लौटन चौधरीहे सौप्ले बटै ।
सोम्मारके रोज उहाँ थरुहट थारुवान राष्ट्रिय मोर्चा संयोजन समिति कैलालीके कार्यवाहक संयोजकके जिम्मेवारी डेहल हुइट ।
उहाँ कहलै, थारु जातिके पहिचान ओ अधिकारके लाग थरुहट थारुवान आन्दोलनसे उठान करल माग मुद्दाके सन्दर्भमे समयसे भ्याइटसम तन मन धन सक्कस रुपमे अहोरात्र सकारात्मक भुमिका निभैले रहु उ सक्कुहुनहे पत्ता बा । कैलाली जिल्लामे मोर नेतृत्वमे रहल थरुहट थारुवान आन्दोलनमे सक्कु रुपमे साथ समर्थन कैना थरुहट थारुवान राष्ट्रिय मोर्चाके सक्कु पदाधिकारी सदस्य लगायत सक्कु सुभेच्छुक सल्लाहकारमे हार्दिक आभार प्रकट करटु ।
मै अपन व्यक्तिगत घरायसी कामके शिलशिलामे थरुहट थारुवान राष्ट्रिय मोर्चासे आव्हान करल विविध क्रियाकलाप भौतिक रुपमे सहभागी हुके नेतृत्व कैना असर्थ रहल ओरसे मै मोर संयोजक पदके जिम्मेवारीमे लौटना जानकारी नैकराइटसमके लाग आजके मितिसे मोर्चा मार्फत हुइना सक्कु सकारात्मक कामकारबाही कैना करैना मोर्चाके जिल्ला सह संयोजकके हैसियतसे अपने लौटन चौधरीहे कार्यवाहक प्रदान करले बटु, संयोजक माधव कहलै ।
अपने कार्यबाहकके रुपमे थारु समुदाय ओ थरुहट थारुवान आन्दोलनसे उठान करल माग मुद्दाप्रति सकारात्मक भुमिका वहन कैबी कना पुर्ण रुपमे विश्वास लेहल उहाँ जनैलै ।
