रोजगार सेवा केन्द्र सञ्चार अभियानः रणनीति कार्यान्वयन विषयक अन्तरक्रिया

पहुरा समाचारदाता
धनगढी, ११ सावन । रोजगार सेवा केन्द्र सञ्चार अभियानः रणनीति कार्यान्वयन विषयक अन्तरक्रिया अँटवारके रोज धनगढीमे सम्पन्न हुइल बा । कथा नेपाल, धनगढी उपमहानगरपालिका रोजगार केन्द्रके आयोजना तथा आइएलओ प्राविधिक सहयोगमे सरोकारवाला निकायविच अन्तरक्रिया छलफल कार्यक्रम हुइल हो ।

कथा नेपालके कार्यक्रम संयोजक स्माइल चौधरीसे सहजीकरण करल कार्यक्रममे कथा नेपालके छलिलाल देवकोटा रोजगार सेवा केन्द्र सञ्चार अभियानः रणनीतिबारे प्रस्तुतीकरण करल रहिट ।

कार्यक्रममे उहाँ सञ्चार रणनीतिके उद्देश्य, प्रमुख सरोकारवाला ओ ओइनके भूमिका, लक्षित वर्ग, प्राथमिक वर्ग (प्रत्यक्ष लाभार्थी), सञ्चार च्यानल डिजिटल प्लेटफार्म (सामाजिक सञ्जाल (फेसबुक, टिकटक) जागिरके अपडेट, रील, कथा, जागिर पोर्टलमे जागिर सूची, तालिम जानकारी, व्यक्तिगत मिलान, स्थानीय भाषामे सामाग्री, एप, व्हाट्सएप, भाइबर अलर्ट, ट्यूटोरियल, क्विक पहुँच, एसएमएस अलर्टः कम इन्टरनेट रहल क्षेत्रके लाग जागिर÷तालिम प्रतिक्रिया सर्वेक्षणबारे जानकारी डेहल रहिट ।
परम्परागत ओ समुदायमे आधारित च्यानलमे रेडियो, छापा माध्यम (समाचारपत्र) विशेष कथा, जागिर स्तम्भ, बजार सल्लाह, टेलिभिजनसे रोजगारीके सूचना पत्ता पैना माध्यम रहल उहाँ जनैलै ।

ओस्टेक करके आब संचार रणनीति तयार हुसेकल अवस्थामे अपनेक स्थानीय सन्दर्भमे यकर कौन भाग सबसे प्रभावकारी हुई सेकी, सन्देश वास्तवमे बञ्चित समुहसम पुगेक अपनेक व अपनेक संस्थासे का करे सेकी, स्थानीय सरकारसे लक्षित समुह माझ रोजगार सेवा केन्द्रके प्रवद्र्धन कैसिक करेसेक्ना विषयमे समुहगत छलफल कैगिल रहे ।

कार्यक्रममे धनगढी उपमहानगरपालिका रोजगार शाखा संयोजक चन्द्र बहादुर महरा उपमहानगरपालिका आइएलओसंग समन्वय करके यिहीसे आघे रोगजार सम्बन्धी टमान कार्यक्रम संचालन करल बटैलै । उहाँ कहलै, ‘गैल आर्थिक बर्षमे धनगढी उपमहानगरपालिका रोजगार सेवा केन्द्रसे सीप तथा रोजगार मेला आयोजना हुइल उहीसे रोजगारदाता ओ रोजगारी करुइया विच पुलके काम करल रहे । दैनिक एक हजार जाने मेलाके अवलोकन करल मने वेरोजगारहुक्रे फर्म नैभरलै ।
यी बरसफे सीप तथा रोजगार मेलाके आयोजना हुइना संयोजक बटैलै ।