ऐंठा जैविक पार्कमे ३ हजार फुलाके टेलुवा लगागिल

दिनेश दहित
चौमाला, १७ सावन । कैलालीके गौरीगंगा नगरपालिका वडा नं. –११, ऐंठामे अवस्थित ऐंठा जैविक पार्कमे ३ हजार फुलाके टेलुवा लगागिल बा ।

जागृति युवा क्लवके संरक्षणमे रहल उ पार्कमे शनिच्चरके रोजसरसफाई करके टमान जातके फुलाके टेलुवा लगाइल क्लवके अध्यक्ष नरेश चौधरी जानकारी डेलै ।

सरसफाई तथा फुलाके टेलुवा लगैना कार्यमे यी टोलबासीके सकृय सहभागिता रहे । फुलाके टेलुवा स्थानीयसे आ–आपन घरसे ल्यानके लगाइल रहिट ।

यी टोलमे संचालित क्लवके पदाधिकारी तथा यी टोलके भल्मन्साके सक्रियतामे अपन गाउँ अपनही बनाई कना उदेश्यके साथ सामाजिक कार्य तथा निरन्तर रूपमे श्रमदान करटी आइल क्लवके अध्यक्ष जानकारी डेलै ।