कैलालीमे एक्के दिन १७८ पिन्ट रगत संकलन

पहुरा समाचारदाता
धनगढी, १७ सावन । कैलालीमे शनिच्चरके रोज हुइल रक्तदान कार्यक्रममे १८७ पिन्ट रगत संकलन हुइल बा ।

धनगढीमे बैतडी समाज कैलालीसे आयोजना करल रक्तदान कार्यक्रममे ९१ जाने रक्तदान करले बटै । रक्तदान कार्यक्रम संयोजक बिर बहादुर महरासे डेहल जानकारी अनुसार बैतडी समाजसे प्रत्येक ६÷६ महिनामे रक्तदानको कार्यक्रम आयोजना करटी आइलमे शनिच्चर ९१ जाने रक्तदान करले बटै ।

ओस्टेक गौरीगंगा नगरपालिका ८ बडैपुरमे शनिच्चर आयोजित रक्तदान कार्यक्रममे ६३ जाने रक्तदान करले बटै । गौरीगंगा ११ स्पोर्ट क्लवसे आयोजना करल रक्तदान कार्यक्रममे ६३ जाने रक्तदान करल क्लवके अध्यक्ष दिनेश कलेल जानकारी डेलै ।
ओस्टे नेपाल रेडक्रस सोसाइटी धनसिंहपुर उपशाखासे समेत शनिच्चर रक्तदान कार्यक्रमके आयोजना करले बा । उ रक्तदान कार्यक्रममे ३३ जाने रक्तदान करल सभापति रतन टमट्टा बटैलै ।

रक्तदान सदभावना दुत उपाध्याय सम्मानित

सर्बाधिक सतक रक्तादाता एवम सुदुरपश्चिम प्रदेशके रक्तदान सदभावना दुत दीपक उपाध्याय सम्मानित हुइल बटै । गौरीगंगा ११ स्पोट्र्स क्लवसे आयोजना करल रक्तदान कार्यक्रममे उपाध्याय सम्मानित हुइल हुइट ।

अपने स्वयमसे १०९ औं चो रक्तदान करके सयौ व्यक्तिके जीवन बचाइल ओ हजारौ व्यक्तिके जीवन रक्षाके लाग अहोरात्र खटके रक्तदान जैसिन मानवीय कार्यमे तल्लिन रहल कहटी उपाध्याय सम्मानित हुइल हुइट । उपाध्यायहे कार्यक्रममे प्रमुख अतिथि गौरीगंगा नगरपालिकाके उपप्रमुख भोज बहादुर बम प्रमाणपत्र सहित सम्मान करल रहिट ।