धनगढी उपमहानगरपालिकाके टोली बडीमालिका गैल

पहुरा समाचारदाता
धनगढी, १८ सावन । कैलालीके धनगढी उप‐महानगरपालिकाके सरकारी टोली बडीमालिका प्रस्थान करले बा ।

धनगढी उपमहानगरपालिकाके नगर उप–प्रमुख कन्दकला राना, प्रमुख प्रशासकीय अधिकृत नरेन्द्रबहादुर खाती लगाएतके टोली बडीमालिका प्रस्थान करल हो ।

सुदूरपश्चिम प्रदेशके प्रमुख धार्मिक तथा पर्यटकीय स्थल बाजुरा स्थित बडीमालिका माईके मन्दिरमे सावन २३ गते चतुर्दशीके दिन लग्ना धार्मिक मेलाके अवसरमे धनगढी उप‐महानगरपालिकाके सरकारी पूजा टोली प्रस्थान करल हो ।

नगर उप–प्रमुख राना ४५ जानेक समूमे टोली बडीमालिकाके लाग प्रस्थान करल बटैली । धनगढी उपमहानगरपालिकाके टोलीसे वनदेवी मन्दिरमे पूजासहित विधि पूर्वक यात्रा सुरु करल हो ।