सुदूरपश्चिम प्रदेश सरकारसे भदौ ८ गते अट्वारी पर्वके सार्वजनिक विदा डेहल

पहुरा समाचारदाता
धनगढी, १९ सावन । सुदूरपश्चिम प्रदेश सरकारसे विक्रम संवत् २०८२ सालके अट्वारी पर्वके सार्वजनिक विदा भदौ ८ गते अँटवार हुइना करके संशोधन करले बा ।

सोम्मार मुख्यमन्त्री तथा मन्त्री परिषद्के कार्यालयमे बैठल मन्त्री परिषद्क बैठकसे यी आघे प्रदेश भर सक्कु सरकारी कार्यालय तथा सार्वजनिक निकायमे सावन २५ गते अँटवारके लाग डेहल उ बिदा भदौ ८ गते अँटवार हुइना करके संशोधन करल हो ।

ओस्टेक सुदूरपश्चिम प्रदेश सरकारसे अगहन १ ओ २ गते लगानी तथा विकास सम्मेलन कैना हुइल बा । कार्यकारी समितिके निर्णय प्रस्ताव करल अनुसार मन्त्रीपरिषद्से लगानी तथा विकास सम्मेलन अगहन १ ओ २ गते कैना निर्णय करल हो ।