धनगढी उप‐महानगरपालिकासे शैक्षिक सामग्री वितरण

पहुरा समाचारदाता
धनगढी, २१ सावन । धनगढी उप‐महानगरपालिकासे वडा नम्बर १२ सिद्वार्थनगरस्थित सिद्वनाथ माध्यमिक विद्यालयहे शैक्षिक सामग्री वितरण करले बा ।

सामुदायिक विद्यालय शैक्षिक गुणस्तर सुधार कार्यक्रम अन्तर्गत धनगढी उप‐महानगरपालिकासे बुधके उ विद्यालयमे बालविकास कक्षाके विद्यार्थीहुकनके लाग क‐ख, ए,बी,सी, १,२,३ म्याट, पी फम, बेबी चेयर, टेबल, शु‐र्याक, ह्वाइट बोर्ड, टमान रकर, कार्पेट लगातके सामग्री वितरण कैगिल शिक्षा युवा तथा खेलकुद शाखा प्रमुख घुम्मन सिंह बडायकल जनैलै ।

धनगढी उप‐महानगरपालिक‐१२ के कार्यबाहक वडाध्यक्ष महेन्द्र खडकासे नगर प्रमुख गोपाल हमाल, विद्यालय व्यवस्थापन समितिके अध्यक्ष कृष्णदेव उपाध्याय, प्रधानाध्यापक प्रेम बहादुर शाही, शिक्षक, अभिभावक लगायतके उपस्थितिमे विद्यालयहे शैक्षिक सामग्री हस्तान्तरण कैगिल हो ।