ब्रहमाकुमारीसे सामुहिक रक्षाबन्धन कार्यक्रम
पहुरा समाचारदाता
धनगढी, २४ सावन । ब्रहमाकुमारी ईश्वरीय विश्व विद्यालय एवं क्षेत्रीय राजयोग प्रशिक्षण केन्द्र धनगढीमे आज सामुहिक रक्षा बन्धन कार्यक्रम हुइल बा ।
परमात्मा सुरक्षा कवच एव परमात्मा स्नेहके प्रतिक महान पर्व रक्षाबन्धनके पावन अवसरमे ब्रहमाकुमारी अलौकिक हिरा डिडी, दुर्गा बैनीलगायतहुकनके हातसे सामुहिक पवित्र रक्षा सुत्र ओ टीका ग्रहण कार्यक्रम हुइल बा ।
सामुहिक पवित्र रक्षाबन्धन कार्यक्रममे सुदूरपश्चिम प्रदेश सभाके निबर्तमान सभामुख अर्जुनबहादुर थापा, पूर्व मन्त्री, प्रदेशसभा, पूर्व मेयर, टमान राजनीतिक व्यक्तित्व, टमान प्रतिष्ठित व्यक्तित्व, नागरिक समाजके व्यक्ति, व्यवसायी एवं सर्वसाधारणके सहभागिता हुइल रहे ।
ओस्टेक करके ब्रहमाकुमारी ईश्वरीय विश्व विद्यालय एवं क्षेत्रीय राजयोग प्रशिक्षण केन्द्रसे सेती प्रादेशिक अस्पतालमे लगायत नीजि अस्पतालमे रक्षा बन्धन ओ फुलफूल वितरण, सुदूरपश्चिम प्रदेशके जनपद प्रहरी गण धनगढीमेफे सामुहिक रक्षा बन्धन कार्यक्रम रहल महेन्द्र खनाल जानकारी डेलै ।
