युवा अभियन्ता ठाकुर करियाप्रधानहे अन्तर्राष्ट्रिय मानवअधिकार हिरो अवार्ड

अनुमोदन समाचार
धनगढी, २८ सावन । कैलालीके युवा अभियान्ता ठाकुरप्रसाद चौधरी (करियाप्रधान) हे अन्तर्राष्ट्रिय मानवअधिकार हिरो अवार्ड २०२५ से सम्मानित करल बा ।

अन्तर्राष्ट्रिय युवा दिवसके अवसर पारके मंगरके काठमाडौंमे Youth for Human rights Campaign Nepal से आयोजित International Conference on ‘Migrant Workers’ Human Rights कार्यक्रमके बिच उहाँ सहित २ नेपाली ओ १ बंगलादेशी युवा अभियान्ताहे सम्मानित करल हो ।

उहाँहे मानवअधिकारके रक्षा ओ प्रवद्र्धनके क्षेत्रमे खेलल् असाधारण ओ उच्च योगदानके कदर कैटी उ संस्थासे इजरायली राजदूत स्मुलिक अरि बासमार्फत उहाँहे अन्तर्राष्ट्रिय मानवअधिकार हिरो अवार्ड प्रदान करल हो ।

कैलालीके घोडाघोडी नगरपालिका १० थेवैके स्थानीय करियाप्रधान सन २०१० से युवा सशक्तिकरणके क्षेत्र क्रियाशिल बटै ।
उहाँ फरक संस्कार ओ पृष्ठभूमिके युवाहे एकात्रित कैटी देश ओ जनताप्रति जिम्मेवार नागरिक बनैना युवा कम्पेनिङ कैनाके साथे युवाके क्षेत्रमे वकालत कैटी आइल बटै ।

उहाँ थारु विद्यार्थी समाज, आदिवासी जनजाति विद्यार्थी महासंघ हुइटी समाज रुपमान्तरणके लाग कहटी बहस पैरवी कैटी आइल बातचित घरके नेतृत्व कैनाके साथे ग्रामीण विकास तथा अनुसन्धान केन्द्र (आरडीआसी) कैलालीके जिल्ला संयोजक फेन हुइट ।