अत्तरियामे टीभीएस ‘एक्सचेञ्ज मेनिया’ सुरु
पहुरा समाचारदाता
धनगढी, १ भदौ । कैलालीके गोदावरी नगरपालिकाके अत्तरिया बसपार्कमे अँटवारसे टीभीएसके ‘एक्सचेञ्ज मेनिया’ सुरु हुइल बा ।
जगदम्बा मोटर्सके अत्तरियाके लाग आधिकारिक बिक्रेता बागेश्वरी मल्टिमोटर्ससे पूराना मोटरसाइकल वा स्कुटर साटके नयाँ सवारी किने चाहल ग्राहकहुकनहे लक्षित करके कम्पनीसे उ ‘एक्सचेञ्ज मेनिया’ सुरु करल हो ।
अत्तरिया बसपार्कसे सुरु हुइल एक्सचेञ्ज मेनियामे ६ गतेसम चल्न जनाइल बा । जौनफे ब्राण्डके पुरान मोटरसाइकल वा स्कुटर टीभीएसके नयाँ मोटरसाइकल ओ स्कुटरसंग साटे पैना बा ।
एक्सचेञ्ज मेनियामे पूरान नैनेग्ना मोटरसाइकल वा स्कुटर हुइलेसेफे ओकर न्युनतम ३० हजार रुप्या मूल्यांकन रना बागेश्वरी मल्टीमोटर्सके सञ्चालक प्रेम साउँद जानकारी डेलै । उहाँ एक्चेन्ज करल साधनमे थप १० हजार मूल्यांकन रकम थप कैना बटैलै ।
नयाँ मोटरसाइकल वा स्कुटर खरिदमे न्यूनतम ८ हजार क्यास डिस्काउन्टके व्यवस्था करल उहाँ बटैलै । साथे हेल्मेट, व्याग ओ बाइक कभर निःशुल्क डेनाके साथे टीभीएस लाइफटाइम वारेन्टीक फे व्यवस्था करल बा । जेकर ग्राहकहे थप विश्वास ओ सुविधा डेना कम्पनीके विश्वास बा ।
