सहास नेपालके ३०औं बार्षिकोत्सवके अवसरमे वृक्षरोपण
पहुरा समाचारदाता
धनगढी, २ भदौ । सहास नेपालसे आपन ३० औं वार्षिकोत्सव वृक्षरोपण कैके ओ परियोजनासे कैगिल गतिविधिके समिक्षा कैके मनैले बा ।
कैलारी गाउँपालिकामे लिफट परियोजना ओ वृक्षरोपण परियोजना संचालन करटी सहाजसे सोम्मारके रोज हसुलियामे आपन बार्षिकोत्सव कार्यक्रमके अवसरमे वृक्षरोपण करले बा ।
कैलारी गाउँपालिकाके सामाजिक विकास समिति संयोजक तथा वडा नम्बर ३ के वडा अध्यक्ष सन्तराम चौधरीके अध्यक्षतामे हुइल कार्यक्रममे उहाँ संस्था एक मजा डगर डेखुइया माध्यम रहल ओरसे संस्थाके गतिविधिमे जोरल समुह ओ संजाल ओकर सिको करके आम्दानीके स्रोत बह्रैना लागे पर्ना बटैलै ।
सहास नेपालसे विपन्न वर्गहुकन टमान मेरिक तालिम ओ तरकारी खेतीमे सहयोग करटी आइल कहटी व्यवसायिक रुपमे तरकारी खेती करलेसे आर्थिक स्रोतमे वृद्धि करले सेक्ना उहाँ बटैलै ।
सहास नेपालके परियोजना अधिकृत सौरव भण्डारी सहास नेपालसे ब्रेड फर द वल्र्ड जर्मनीके आर्थिक सहयोगमे कैलारी गाउँपालिकाके वडा नम्बर २, ५, ६, ९ मे स्थानीय प्रयासमा खाद्य सुरक्षा रुपान्तरण (लिफ्ट) परियोजना) संचालन करल जनैलै । उ वडामे ९९७ घरधुरीके ५ हजार १७ जाने लाभान्वित हुइल बटै ।
जलवायु संकटसे कृषि क्षेत्रमे पारल असरहे पारिस्थितिकीय प्रणालीमे आधारित अनुकूलन मार्फत सम्बोधन करटी लक्षित समुदायहुकनके खाद्य सुरक्षा, पोषण तथा आम्दानीमे सुधार सुनिश्चित कैना लक्ष्य लेके आघे बह्रल अधिकृत भण्डारी बटैलै ।
सीमान्तकृत ओ जोखिममे परल घरपरिवारके संस्थागत क्षमता अभिवृद्धि कैना, जिहीसे ओइनहे सामाजिक न्याय, समावेशीता ओ अधिकार सुनिश्चित कैना कार्यमे प्रभावकारी रूपमे अभियान सञ्चालन कैना तथा नीतिगत वकालत कैना सक्षम बनैना उहाँ बटैलै ।
उ समुदायके जीविकोपार्जन सुधारमे पारिस्थितिक प्रणालीमे आधारित अनुकूलन उपाय समावेश कैना, जिहीसे जलवायु ओ विपद् उथानशील क्षमताके सुनिश्चित कैना कहल बा ।
विविध क्षेत्रमे उत्पादन वृद्वि, उच्च आम्दानीसे सीमान्तकृत ओ कमजोर परिवारके खाद्य तथा पोषण सुरक्षामे सुधार कैनाफे उहाँ बटैलै ।
कार्यक्रममे कैलारी गाउँपालिकाके आर्थिक विकास समिति संयोजक तथा वडा नम्बर ५ के वडा अध्यक्ष विष्णु प्रसाद चौधरी सहाज नेपालके गतिविधि ढेर समुह तथा संजालके महिला लाभान्वित हुइल बटैलै । उहाँ रुपान्तरण हुइना मेरिक तरकारी खेती करलेसेक्ले मनग्य आम्दानी कमाई सेक्ना बटैलै । व्यवसायिक तरकारी कैके ढेर महिला आत्मनिर्भर हुइलफे उहाँ बटैलै ।
ओस्टेक करके याक नेपालके लैङिक समानता सामाजिक समावेशीकरण अधिकृत सरिता चौधरी सहास नेपालसे आर्थिक सशक्तीकरणसे लेके लौगिक हिंसा न्यूनिकरणफे समेट भूमिका निर्वाह करटी आइल बटैली ।
कार्यक्रममे पहुरा दैनिकके सम्पादक प्रेम चौधरी, सहास नेपालके फिल्ड सहजकर्ता निलु चौधरीलगायत मन्तव्य राखल रहिट । कार्यक्रममे संचालन सहास नेपालके नर जिरेल करल रहिट । बार्षिकोत्सवके अवसरमे गाउँपालिकाके सभाहल आघे वृक्षरोपणपोषण कैगिल बा ।
बार्षिकोत्सव कार्यक्रममे गाउँपालिकाके निमित्त प्रशासकीय अधिकृत सुर्यप्रसाद चौधरी, टमान शाखाके प्रमुख, सहास नेपालके टमान समुह तथा संजालके प्रतिनिधि तथा सहास नेपालके टिमके सहभागिता रहे
