कैलारी–८ मे सञ्चालित परियोजनाके गतिविधिके अनुगमन

पहुरा समाचारदाता
धनगढी, २ भदौ । कैलालीके कैलारी गाउँपालिकामे वल्र्ड भिजन ईन्टरनेशनल नेपालके साझेदारीमे बाल कल्याण संघ तथा दिगो विकास समाजसे संचालन पीसीइएसपी÷एनआरएल परियोजनाके स्थलगत अनुगमन करल बा ।

पालिका स्तरीय अनुगमनके संयोजक तथा कैलारी गाँउपालिकाके उपाध्यक्ष भगवती कुमारी चौधरीके अगुवाईमे वडा नं.–८ कैलारीके रूपान्तर कक्षा, सकरात्मक अभिभावकत्व, स्कुल छोरल बालबालिकाके विद्यालय पुनरागमन, च्याउ उत्पादन समुहके सहभागीहुकनसंग अन्तरक्रिया करल बा ।

अनुगमनमे वडा नं. –८ के अध्यक्ष तारामल कठरिया लगायत बाल संरक्षण अधिकारी, योजना शाखा प्रमुख, वडा स्तरीय कृषि शाखाके प्रमुख, बाल कल्याण संघके कार्यक्रम संयोजक राधिका गिरी, फिल्ड अधिकृत पर्शु राम चौधरी, दिगो बिकास समाजके कार्यक्रम अधिकृत जगत भाट तथा बजार सहजकर्ता रंजित चौधरी लगायतके उपस्थितिमे अनुगमन सम्पन्न करल बा ।

अनुगमनके दौरानमे उपाध्यक्ष लगायत अनुगमन टोलीके बाल कल्याण संघ, टिकापुर तथा दिगो विकास समाजहे सकरात्मक प्रतिक्रिया प्राप्त करल ओरसे परियोजना टिम उत्साहित बटै ।