खुटियामे डुबके चार जहनके मृत्यु

पहुरा समाचारदाता
धनगढी, १२ भदौ । कैलालीके गोदावरी नगरपालिका–९, सेहरी झुलोंगे पुल लग्गे खुटिया लडियमे लहाय गैल चार लउण्डा डुबके मुवल बटै ।

उ लडियमे लहाई सात जाने लउण्डा मन्से चार जाने वेपत्ता हुइल रहिट । डुबके वेपत्ता हुइल धनगढी घर रलक १७ वर्षीय सक्षम जोशी, १६ वर्षीय जेव भण्डारी, १७ वर्षीय जाबेज भण्डारी ओ १५ वर्षीय प्रतिक चौधरी मृत अवस्थामे फेला परलक इलाका प्रहरी कार्यालय मालाखेतीके डिएस्पी रणबहादुर चन्द जनैलै ।

ओस्टेक करके बझाङके जयपृथ्वी न.पा.१ डुंग्री खोलाके कुयापानी स्थित खोलाके दुई भगालोके बिच पानीमे घोप्टो अवस्थामे उहे ठाउँक भण्डार बैठना बर्ष ५५ के राम चन्द्र बोहरा मृत अवस्थामे फेला परल बटै । उ सम्बन्धमे प्रहरी आवश्यक अनुसन्धान करटी रहल बा ।