चरेश ओ खैरोहिरोइनसहित पाँच जाने पक्राउ
पहुरा समाचारदाता
धनगढी, १४ भदौ । ५ किलो ६९० ग्राम चरेश ओ ४ ग्राम ९० मिलिग्राम खैरोइन सहित ५ जाने पक्राउ परल बटै ।
लागु औषध व्युरो शाखा धनगढी, वडा प्रहरी कार्यालय धनगढी ओ प्रहरी चौकी त्रिनगरसे खटके गैल संयुक्त प्रहरी टोलीसे जिल्ला कैलाली धनगढी उप–महानगरपालिका ०२ त्रिनगर ब्यारेलसे जिल्ला डोटी शिखर नगरपालिका वडा नं. ०८ घर रहल हाल जिल्ला कैलाली गोदावरी न.पा. ०१ बैठना बर्ष ३५ के बिरबहादुर रावलहे चरेश सहित पक्राउ कैगिल बा ।
उहाँसे चलाइल सु.प.प्र.०४००१ प ०६६५ नं. के मोटरसाइकल शंका लागके चेकजाँच करेबेर हुकानथेनसे २ ग्राम ७६० मिलिग्राम खैरोइन फेला पारके बरामद करके हुकहिनहे नियन्त्रणमे लेहल बा ।
ओस्टेक करके कैलालीके चुरे गा.पा. ०३ बैठना बर्ष ३२ के मोहन मल्लहे शंका लागके चेकजाँच करेबेर उहाँसे प्रयोग करल मोबाईलके खोल भिटर नुकाई–छिपाई ढारल ५९० मिलिग्राम खैरो हेरोइनसहित पक्राउ करल हो ।
जिल्ला कैलाली धनगढी उप–महानगरपालिका ०२ मिलन चोक स्थित जिल्ला बझाङ बुङगल न.पा. ०८ घर रहल हाल धनगढी उप–महानगरपालिका ०२ स्थित जयराम होटल एण्ड लज रेष्टुरेन्ट संचालक बर्ष ३२ के राम बोहराके होटलमे शंका लागके चेकजाँच करेबेर ५ किलो ६९० ग्राम चरेश फेला पारके बरामद करके बोहराहे नियन्त्रणमे लेहल बा ।
कैलालीके धनगढी उप–महानगरपालिका १२ जुगेडासे जि.प्र.का. कैलाली ओ अस्थायी प्रहरी पोष्ट जुगेडासे खटके गैल संयुक्त प्रहरी टोलीसे सु.प.प्र.०१०१३ प २३४५ नं. को मोटरसाइकल चालक वडा नम्बर १२ बैठना बर्ष २३ के बिजय बि.क. ओ उहे मोटरसाइकल पाछे बैठुइया वडा नम्बर ७ बैठना बर्ष २२ के प्रदिप रानाहे शंका लागके चेकजाँच करेबेर ओइन थेनसे ७४० मिलिग्राम खैरो हेरोइन फेला पारके बरामद करके नियन्त्रणमे लेहल हो ।
