बलपुर्वक वेपत्ता पारल नागरिकके न्याय प्रक्रियामे सम्बाद कार्यक्रम
पहुरा समाचारदाता
धनगढी, १४ भदौ । बलपुर्वक वेपत्ता पारल नागरिकके न्याय प्रक्रियामे सम्वाद कार्यक्रम सम्पन्न हुइल बा ।
कुर्वे विष्ट्रोके सहयोगमे मानव अधिकारका लागि महिला एकल महिला समुह सुदूरपश्चिम प्रदेशके आयोजनामे शनिच्चरके रोज अन्तर्राष्ट्रिय वेपत्ता दिवसके अवसरमे बलपुर्वक वेपत्ता पारल नागरिकके न्याय प्रक्रियामे सम्वाद कार्यक्रम हुइल हो ।
मानव अधिकारका लागि महिला एकल महिला समुह केन्द्रिय सदस्य भगवती हमालके अध्यक्षतामे हुइल कार्यक्रममे प्रमुख अतिथि फाया नेपालके अध्यक्ष गोमा आचार्य रहल रहिट ।
कार्यक्रममे सम्बोधन करटी उहाँ सशस्त्र द्वन्दकालमे बलपूर्वक वेपत्ताहुकनके अवस्था अभिन सार्वजनिक हुई नैसेक्ना दुःख रहल बटैली । द्वन्दपीडितहुक्रे अभिनफे आपन मनै लौटके अइना आशमे बैठल मने राज्य पक्षसे वेवास्ता करटी गैल उहाँ बटैली । द्वन्दपीडितहुक्रे अभिभावक गुमाइल पीडा एकओर रहल ओ दुसर ओर आर्थिक समस्याके सामाना करटी रहल बटैली ।
कार्यक्रममे सहजीकरण अधिवक्ता रेनु प्रधान करल रहिट । कार्यक्रममे मानव अधिकारका लागि महिला एकल महिला समुह सुदूरपश्चिम प्रदेश अध्यक्ष शुमन शर्मा, संघ सस्था, गोदावरी नगरपालिका ओ धनगढी उपमहानगरपालिका द्वन्द पीडितहुकनके सहभागिता रहल रहे । कार्यक्रमके संचालन मानव अधिकारका लागि महिला एकल महिला समुह सुदूरपश्चिम प्रदेशके कार्यक्रम संयोजक वेद अवस्थी करले रही ।
