कैलाली जनपुस्तकालयके अध्यक्षमे शिवराज ओझा

पहुरा समाचारदाता
धनगढी, १९ भदौ । कैलाली जनपुस्तकालय धनगढी, कैलालीके अध्यक्ष पदमे शिवराज ओझा निर्वाचित हुइल बटै ।

बुधके रोज सम्पन्न निर्वाचन परिणाम अनुसार १० सदस्यीय कार्यसमिति चयन हुइल हो । समितिके सदस्यमे टंक प्रसाद जोशी, शेरसिंह खड्का, राजेन्द्र रैका, सुभाष चन्द्र भण्डारी, राधा कुमारी फुलारा, जयराज जोशी, डिल्ली राज ओझा समर्पण, टी. आर पाठक, सुशिला भट्ट ओ पदम राज जोशी निर्वाचित हुइल निर्वाचन अधिकृत भोजराज भण्डारी जनैलै ।

कैलाली जनपुस्तकालय प्रबन्ध समितिके बिधान २०५७ के परिच्छेद ५ दफा २३ बमोजिम गठन हुइना कार्य समितिके लाग निर्बाचन हुइल उहाँ जनैलै ।