कैलालीमे अनिश्चितकालिन कर्फ्यु

पहुरा समाचारदाता
धनगढी, २४ भदौ । जिल्ला प्रशासन कार्यालय कैलालीसे आज साँझ ५ बजेसे जिल्लाभर लागु हुइना मेरके अनिश्चितकालिन कर्फ्यु जारी करले बा ।

उहीसे आघे धनगढीमे १२ बजके १० मिनेटसे अनिश्चितकालीन कफ्र्यू जारी करल प्रशासनसे जिल्लाभर थप अनिश्चितकालिन कफ्र्यू जारी करल हो । जेनजीके आन्दोलनहे मध्यनजर कैटी जिल्ला प्रशासन कार्यालय कैलालीसे सुरक्षाके कारण डेखैटी निषेधाज्ञा लागू करल हो । कैलालीके प्रमुख जिल्ला अधिकारी कृष्णप्रसाद लम्सालके अनुसार सुरक्षाके संवेदनशीलताके कारण जिल्लाभर निषेधाज्ञा क्षेत्र घोषणा करल हो ।

उ अवधिमे तीनजानेसे ढेर जानेक समूह बनाके कोइ आवात जावत कैना, कौनो फेन भेला, जुलुस, प्रर्दशन, सभा, बैठक, घेराउ करे नैपैना मेरके अनिश्चितकालिन कर्फ्यु आदेश जारी करल हो ।