कैलालीमे अँटवारसे शिक्षण सुचारु हुइना

पहुरा समाचारदाता
धनगढी, २९ भदौ । यिहे भदौ २३ ओ २४ गते जेएनजी समुहके आन्दोलन ओ प्रदर्शनपाछे असहज वातावरण बन्द हुइल विद्यालय काल्ह (अँटवार)से सूचारु हुइना बा ।

आन्दोलन ओ विरोध प्रदर्शनफे देशभरके विद्यालय भदौ २४ गतेसे पूर्ण रुपमे बन्द अवस्थामे रहल रहे । अवस्था सामान्य बन्टी गैलपाछे कैलारी गाउँपालिकासे शनिच्चरके रोज सार्वजनिक सूचना जारी करटी अँटवारके रोज शिक्षण सुचारु कैना आग्रह करले बा ।

यिहे क्रममे कैलाली जिल्लाके कैलारी गाउँपालिकासे आजसे विद्यालय नियमित सुचारु कैना जानकारी कैले बा । विरोध प्रर्दशनपाछे वातावरण असहजहुके विद्यालय बन्द हुइलपाछे विद्यार्थीहुक्रे पह्रे पैना अधिकारसे बन्द हुइल बा । ओस्टेक करके, धनगढीस्थित निजी विद्यालयके प्रशासनसे सूचना जारी करटि अट्वारके रोजसे नियमित शिक्षण सुचारु हुइना जानकारी कैले बटैं ।