जेन्जी पुस्ताहे अपमानित महसुस हुइना व्यवहार नकरीः मेयर हमाल
पहुरा समाचारदाता
धनगढी, २९ भदौ । जेन्जी पुस्ताहे अपमानित महसुस करैना हिसाब कौनोफे व्यवहार नैकैना धनगढीके मेयर गोपाल हमालसे आग्रह करले बटै ।
भदौ २३ ओ २४ गते हुइल जेन्जी पुस्ताके आन्दोलनके विषयमे नकारात्मक टिप्पणी करके जेन्जी युवाहुकनहे तनाव डेना काम नैकैना मेयर हमाल अनुरोध करल हुइट । हमाल कहलै, असल मनसायसे जेन्जी युवाहुक्रे आन्दोलन करल मने युवाके आन्दोलनमे घुसपेट हुइल सक्कुहुनहे अवगत बा । जेम्ने अब्बे भिडियो ओ फोटु सामाजिक सञ्जालमे अइटी रहल बटै । उहे हुके जेन्जी पुस्ताहे निरुत्साहित कैना कार्य नैकैना अनुरोध करटु ।
मेयर हमाल आघे कहलै, ुजेन्जी पुस्ता यी देशके भविष्य हो । गहना हो ओ आत्मा हो । स्वदेशमे बसी काम करके अपन उज्जल भविष्य खोज्टी रहल पुस्ता हो । जे राष्ट्र प्रथमके भावसे काम करे चाहठ । युवाहुक्रे राज्य सत्ताके माग नैकरल उल्लेख करटी देशमे भ्रष्टाचारके अन्त्य हुके देशहे सदाचारमे डो¥यइना युवाहुक्रे आवाज उठाइल मेयर हमाल बटैलै । आज काल्ह टमान स्थानमे जेन्जी पुस्ताहे निरूत्साहित ओ आत्मग्लानी महसुस कराके मनोवल घटैना कार्य हुइटी रहल ओरसे उ कार्य रोकेपर्ना मेयर हमाल बटैलै । काल्ह वेदकोट नगरपालिका–४ बैठना २४ वर्षीय नरेश धानुकसे सामाजिक अत्याचार सहे नैसेक्के आत्महत्या कैना बाध्य हुई परल घटना सार्वजनिक हुइल कहटी युवाहुकनके अपमान नैकैना नगर प्रमुख हमालसे सक्कुहुनहे आग्रह करले बटै ।
मेयर हमाल युवाहुकनहे आत्महत्या कैना निरुत्साहित कैना दुस्खद हुइल बटैलै । २०७९ माघ १० गते संघीय संसद भवन आघे ईलामके ३७ वर्षीय व्यवसायी प्रेम आचार्य आत्मदाह करल स्मरण करटी प्रत्यक्ष ओ परोक्ष रुपमे युवाहुकनहे पीडा ओ अपमानित हुइना व्यवहार करे नैहुइना बटैलै । हमालसे जेन्जी पुस्ताहे निरुत्साहित कैना काम नैकरके ओइनके ऊर्जाहे यी राष्ट्र निर्माणमे सदुपयोग करेपर्ना बटैले. बटै ।
