रेशम चौधरीसे नयाँ पार्टीके घोषणा
पहुरा समाचारदाता
धनगढी, २९ भदौ । नागरिक उन्मुक्ति पार्टी (नाउपा) के संरक्षक रहल रेशम चौधरी नाउपा परित्याग कैटी नयाँ पार्टी घोषणा करले बटै ।
सामाजिक सञ्जालमार्फत शनिच्चरके वक्तव्य सार्वजनिक कैटी चौधरी नयाँ पार्टीके नाउँ ‘नागरिक उन्मुक्ति पार्टी (नाउपा) नेपाल’ रहना बटैले बटै ।
उहाँ कहले बटै, ‘आब झगडा नैकरे परी, रोइलो कैना नैहो । थरुहटके नाउँमे ठग हुइलै, लाभके निमित्त नागरिक उन्मुक्ति पार्टीमे आइल । आब मै नैअल्झम ।’
उहाँ आपन सक्कु सम्पत्ति सरकारहे डेना तयार रहल घोषणा फेन करले बटै । ‘मै पार्टी ओ राजनीतिबिना बाँचे नैसेकम । स्वतन्त्रहुक्रनके हातेमालोमे जोरे चाहम,’ उहाँ कहलै, ‘आजसे लावा संगठन ओ दल निर्माणमे लग्ना चाहटु । पुनः जुरमुरैना चाहटु ।’
जेन जेडके आन्दोलन अन्त्य नैहुइल बटैटी उहाँ संसद्मा राजीनामा डेके फेनसे फिर्ता लेहुइयनसे सहकार्य सम्भव नैरहल बटैले बटै ।
