लागु औषधसहित दुई जाने पक्राउ

पहुरा समाचारदाता
धनगढी, २ कुवाँर । कैलालीके टिकापुर न.पा.१ शक्तिनगरसे उहे ठाउँ बैठना बर्ष ३० के अर्पण चौधरीहे अवैध लागु औषध सहित पक्राउ करल हो ।

शंका लागके चेकजाँच करेबेर १ ग्राम २०० मिलिग्राम लागुऔषध खैरो हेरोइनसहित इलाका प्रहरी कार्यालय टिकापुर, कैलालीसे खटल प्रहरी टोलीसे नियन्त्रणमे लेहल हो ।

ओस्टेक करके बाजुराके बडीमालिका न.पा.९ बाउलीस्थित कोल्टी मार्तडी सडक खण्डमे कोल्टीसे मार्तडीओर शंकास्पद नेंग्टी रहल बुढीनन्दा न.पा.१० बैठना वर्ष २८ के बिरेन्द्र थापाहे लागु औषधसहित पक्राउ करल हो ।

शंका लागके चेकजाँच करेबेर हुकन ठेनसे १ केजि. ५६० ग्राम लागुऔषध चरेशसहित जिल्ला प्रहरी कार्यालय बाजुरासे खटल प्रहरी टोलीसे नियन्त्रणमे लेहल बा । दुनु घटनाके बारेमे प्रहरी ठप अनुसन्धान करटी रहल बा ।