साहित्य समाजके अध्यक्षमे रामलाल
पहुरा समाचारदाता
धनगढी, ५ कुवाँर । सुदूरपश्चिमको अग्रणी साहित्यिक संस्था सुदूरपश्चिमाञ्चल साहित्य समाजके अध्यक्षमे रामलाल जोशी सर्वसम्मत निर्वाचित हुइल बटै ।
साहित्य समाजके सभाहलमे शनिच्चर आयोजित ११औं अधिवेशन तथा साधारण सभासे मदन पुरस्कार विजेता तथा वरिष्ठ साहित्यकार जोशीहे अध्यक्षमे चयन करल हो ।
जोशी नेतृत्वमे १५ सदस्यीय कार्य समिति सर्वसम्मत रुपमे निर्वाचित हुइल बा । सदस्यमे टोपेन्द्र शाह ‘रसिक’, रुपा स्वाँर, यशोदा भण्डारी, तीथराज भण्डारी ‘गडसेरी’, गणेशबहादुर नेपाली, पुस्करराज पन्त, शान्ति जोशी, मानबहादुर साउँद, चित्रराज भट्ट, बाबुराम आचार्य, प्रेम विवस चन्द, पुष्पराज जोशी ‘पुकार’, दुर्गा कुमारी बम मल्ल, यज्ञराज जोशी ओ नवराज ओझाहे चयन करल हो ।
नेपाली साहित्यके धार सुदूरपश्चिमओर लौटैना सफल लेखक जोशी नेतृत्व छोरलपाछे सुदूरपश्चिम साहित्य समाज सुस्त केल्ह नैहुइल बहुट संकटमे समेत परल साधारण सभामे सरिक साहित्यकारसे गुनासो व्यक्त करलै । प्रगतिशील लेखक संघके प्रदेश सल्लाहकार तथा रक्तिम सांस्कृतिक अभियानके केन्द्रीय उपाध्यक्ष बाबुराम आचार्य साहित्य समाजहे साहित्यकारकै संस्था बनाई पर्ना धारणा व्यक्त करले बटै ।
कार्यक्रममे नेपाल प्रज्ञा प्रतिष्ठानके प्राज्ञसभा सदस्य जनक रसिकसे सुदूरपश्चिम विश्व विद्यालयके पूर्वडिन प्राध्यापक पद्मकान्त जोशी, ऐश्वर्य विद्या निकेतनके पूर्वप्रध्यानाध्यापक प्रेमनिधि ओझा, पञ्चोदय माध्यमिक विद्यालयके पूर्वप्रधानाध्यापक यादवप्रसाद जोशी, वरिष्ठ साहित्यकार श्रेष्ठप्रिया पत्थर, समाजके पूर्वअध्यक्ष तथा वरिष्ठ साहित्यकार पद्मराज जोशी ‘प्रभात’, महाकाव्यकार तथा ज्योतिष मनिराज जोशी, संस्थापक अध्यक्ष तथा साहित्यकार यज्ञराज यात्री, कैलाली जनपुस्तकालयके अध्यक्ष शिवराज ओझा, जनआन्दोलनके घाहिल तथा वरिष्ठ साहित्यकार लक्षीराम आचार्य, वरिष्ठ साहित्यकार हेमन्त ‘विवस’, वरिष्ठ डेउडा गायक तथा डेउडा प्रतिष्ठानके अध्यक्ष सुरत रावत ‘डोटेली कान्छा’, डेउडा सर्जक राजेन्द्र शाह ‘बिपी’, डेउडिया दिलबहादुर धामी, समाजसेवी मदन कुँवर, लक्ष्मण कुँवर तथा साहित्य समाजके पूर्वअध्यक्षहुक्रे ओ स्वयम् अध्यक्षके आकांक्षी टोपेन्द्र शाह ‘रसिक’ समेतसे पुनः एक चो रामलाल जोशीहे अध्यक्ष बनैना प्रस्ताव करलपाछे सभा स्तब्द बनल ।
जीवनके उर्वर समय साहित्य समाजके निर्माणमे विटल ओरसे संकटके बेला फेर सभासे नेतृत्व लेना अनुरोध करलपाछे जोशीसे अध्यक्ष स्वीकार करल बटैलै ।
साहित्य समाजके संकटके बेला अपने समाजहे उकासेक लाग सेक्ना सहयोग कैना अध्यक्ष जोशी बटैलै ।
मदन पुरस्कार विजेता तथा साहित्यकार जोशी संस्कृतिके प्रवद्र्धन कैना देश दर्शन अभियान, टमान साहित्य महोत्सव, विश्व नेपाली साहित्य महोत्सव, विश्व नारी साहित्य महोत्सव जैसिन ऐतिहासिक कार्यक्रममार्फत् नेतृत्व करसेकल वरिष्ठ साहित्यकार जोशी संकटके बेला चुनौती स्वीकारके सेवा कैना तयार हुइल बटैलै ।
उहाँ कहलै, ‘सुदूरके साहित्यहे समृद्ध तुल्यइना तथा साहित्यमे नवीन जागरण ल्यन्ना अपने ऊर्जाशील भूमिका निर्वाह कैना प्रतिवद्ध बटु ।’
