शान्तिसे केल्ह विकास सम्भव
पहुरा समाचारदाता
धनगढी, ६ कु्वाँर । ४४औं अन्तर्राष्ट्रिय शान्ति दिवसके अवसरमे अँटवारके रोज धनगढीमे हुइल सम्वाद कार्यक्रममे शान्तिसे केल्ह विकास हुइना बटाइल बा ।
अहिले नै कदम चालौं, शान्तिपूर्ण संसार बनाआ्ैं, अहिंसा, मेलमिलाप र एकताको बाटो रोजौं, द्वन्द होइन, संवाद र सदभावलाई प्राथमिकता दिऔं कना मुल नाराके साथ ४४औं अन्तर्राष्ट्रिय शान्ति दिवसके अवसरमे मानव अधिकारका लागि महिला एकल महिला समुह सूदूरपश्चिम प्रदेशके आयोजना तथा कुर्वे विष्ट्रोके सहयोगमे हुइल सम्वाद कार्यक्रममे शान्तिसे केल्ह विकास हुइना सहभागीहुक्रे बटैले रहिट ।
कार्यक्रमके वरका पहुना रहल फाया नेपालके अध्यक्ष गोमाम आचार्य शान्तिसे केल्ह विकास सम्भव रहल बटैली । उहाँ कहली, मुलुकमे जटरा आशान्ति फैली ओटरे विनास हुइना कहटी शान्ति सुव्यवस्था कायम करेक लाग दुई पाछे हटना अवस्था अइलेसे उ अपनाई पर्ना बटैली । अब्बे जेनजी आन्दोलनमे यूवाहुक्रे ज्यान गुमाइलमे सक्कु जनहनहे दुखि बनाइल बटैलै ।
कार्यक्रममे मानव अधिकारका लागि महिला एकल महिला समुह सूदूरपश्चिम प्रदेशके कार्यक्रम संयोजक वेद अवस्थी अन्तर्राष्ट्रिय शान्ति दिवस हरेक बर्ष सेप्टेम्बर २१ तारेकके दिन मनैटी आइल बटैली । संयूक्त राष्ट्र संघसे यी दिवस सन १९८१ मे घोषणा करल रहे । पहिल चो १९८२ मे बनाइल रहे । यिहीहे संसार भर युद्धविराम ओ अंहिसाके दिनके रुपमे मनाजाइठ ।
युद्ध, द्वन्द, ंिहसा अन्त्य करके शान्ति कायम कैना सन्देश फैलैना, राष्ट्र, समाज ओ व्यक्ति सक्कु जाने आपसी मेलमिलाप, सहकार्य ओ दया–मायाहे प्राथमिकता डेना वातावरण बनैना, द्वन्दग्रस्त मुलुक ओ समाजमे वार्ता, मेलमिलाप ओ पुर्नमिलनहे प्रोत्साहन कैना उदेश्यसे शान्ति दिवस मनैटी आइल संयोजक अवस्थी बटैली ।
डब्लुएचआरसे कैलालीके कैलारीमे सात बर्ष शान्ति परियोजनामार्फत द्वन्दपीडित तथा एकल महिलाहुकनके आर्थिक, सामाजिक शसक्तीकरणके क्षेत्रमे काम करल बटैली । ओस्टेक करके कैलालीके गोदावरी नगरपालिकामे द्वन्दपीडित एकल महिला, एचआइभी महिलाहुकनके आर्थिक शसक्तीकरणके क्षेत्रमे काम करटी आइल बटैली ।
कार्यक्रममे सभा नेपालके परियोजना संयोजक दलबहादुर ओली शान्ति घरसे सुरु करेपर्ना बटैलै । मानव अधिकारका लागि महिला एकल महिला समुहके जिल्ला अध्यक्ष भगवती हमालके अध्यक्षतामे हुइल कार्यक्रममे शान्ति आपनसे सुरुकरेपर्ना बटैली । कार्यक्रममे मानव अधिकारका लागि महिला एकल महिला समुहसे जोरल द्वन्दपीडित एकल महिलाहुकनके सहभागिता रहे ।
