भुँईयाँफाँटामे नाइट पेनाल्टी सुटआउट प्रतियोगिता हुने
पहुरा समाचारदाता
हसुलिया, २१ कुवाँर । कैलारी गाउँपालिका वडा नम्बर ७ भुँईयाफाँटामे नाइट पेनाल्टी सुटआउट प्रतियोगिता २०८२ हुइना हुइल बा । दहित समूहके आयोजना तथा संरक्षण यूवा क्लब भुँईयाफाँटाके सहयोगमे प्रतियोगिता हुइना हुइल हो ।
दसैँके अवसरमे कुवाँर १७ प्रतियोगिता राखल रहे । मने, बर्षातके कारण स्थगित हुइल प्रतियोगिता अगामी कार्तिक २ गते पुनः हुइना हुइल हो ।
प्रतियोगिताके प्रथम पुरुस्कार २१ हजार १५१, द्धितीय पुरुस्कार ११ हजार १५१ ओ तृतीय पुरस्कार पाँच हजार १५१ रहल बा ।
प्रतियोगिताके लाग इन्ट्री फि एक हजार रहल बा । रि इन्ट्रीके लाग आठसय रहल आयोजक दहित समूहके भुवनेश्वर दहित जानकारी डेलै । उहाँ ४० से कम टिम उपस्थित हुइलमे पुरुस्कार राशी उहे अनुसार हुइना फेन बटैलै ।
टिम दर्ता कार्तिक २ गते साँझसम रहना ओ खेल सञ्चालन साँझ ७ बजेसे सञ्चालन हुइना आयोजक जनैले बा ।
