कैलाली उद्योग वाणिज्य संघके अध्यक्षमे ओझा
पहुरा समाचारदाता
धनगढी, २६ कुवाँर । कैलाली उद्योग वाणिज्य संघके अध्यक्षमे पुष्कर ओझा निर्वाचित हुइल बटै । आपन प्रतिद्वन्द्वी रुपेश स्वाँरहे ६१ मतसे पराजित कैके उहाँ अध्यक्षमे निर्वाचित हुइल हुइट ।
ओझा ९५० ओ स्वाँर ८८९ मत प्राप्त करले बटै । ओझा नेतृत्वके प्यानलसे तीन उपाध्यक्ष ओ एक जाने महासचिवमे विजयी हुइल बटै । ओस्टके, स्वाँर प्यानलसे दुई उपाध्यक्ष, सचिव ओ कोषाध्यक्षमे विजयी हुइल बटै ।
वरिष्ठ उपाध्यक्षमे स्वाँर प्यानलके केशवराज जोशी, उद्योग उपाध्यक्षमे स्वाँर प्यानलके लक्ष्मण पन्त विजयी हुइल बटै । ओस्टके, एसोसियट उपाध्यक्षमे ओझा प्यानलके मनोज अग्रवाल, वाणिज्य उपाध्यक्षमे ओझा प्यानलके गगनराज केसी ओ वस्तुगत उपाध्यक्षमे ओझा प्यानलके अब्बु ओझा विजयी हुइल बटै ।
ओस्टके, संघके महासचिवमे ओझा प्यानलके दिनेश लम्साल, सचिव ओ कोषाध्यक्षमे स्वाँर प्यानलके प्रकाशकुमार चन्द ओ तिलकबहादुर बोहरा विजयी हुइल बटै ।
संघके सदस्यमे शुभशंकर ठाकुर, अम्बिका भण्डारी, तेज बम, ध्रुवराज दाहाल, अजय पाण्डेय, तर्कराज भट्ट, मञ्जु भट्ट, सुरेश सापकोटा, बमबहादुर कुँवर, कमला भट्टराई, प्रमिला पाठक, देवराज जोशी ओ प्रेमबहादुर धामी विजयी हुइल बटै ।
दुई हजार ३३५ मतदाता रहल कैलाली उद्योग वाणिज्य संघके निर्वाचनमे एक हजार ९४० मत गिरल रहे ।
