शहिद दशरथ चन्द स्वास्थ्य विज्ञान विश्वविद्यालय सभाके पहिले बैठक
उपकुलपति–रजिस्ट्रार सिफारिस समिति गठन
पहुरा समाचारदाता
धनगढी, २८ कुवाँर । शहीद दशरथ चन्द स्वास्थ्य विज्ञान विश्वविद्यालय सभाके पहिलो बैठक टमान निर्णय करले बा ।
मंगरके रोज शहिद दशरथ चन्द स्वास्थ्य विज्ञान विश्वविद्याल ऐन, २०८२ के परिच्छेद ४ के दफा बमोजिम विश्वविद्यालय सहकुलपति एंव शिक्षा, विज्ञान तथा प्रविधिमन्त्री माहाविर पुनके अध्यक्षता तथा सुदूरपश्चिम प्रदेशके मुख्यमन्त्री कमलबहादुर शाहके उपस्थितिमे केशरमहल, काठमाण्डौमे पहिल बैठक बैठल रहे ।
बैठक शहिद दशरथ चन्द स्वास्थ्य विज्ञान विश्वविद्यालय ऐन, २०८२ परिच्छेद ४ के दफा ७ के उपदफा (२) के खण्ड (ग) मे अनुसार सुदूरपश्चिम प्रदेश सरकारके मुख्यमन्त्री सभा सदस्य रना व्यवस्था बा, ओस्टेक करके नगरपालिकाके उहे ऐनके दफा ७ उपदफा २ बमोजिम गोदावरी नगरपालिकाके नगर प्रमुख बिरेन्द्र भट्टहे सभा सदस्या रना ब्यवस्था रहल बा ।
साथे बैठकसे ऐनके परिच्छेद ४ के दफा ७ के उपदफा (२) के खण्ड (छ) बमोजिम स्वास्थ्य विज्ञानसम्बन्धी कार्यक्रम सञ्चालन कैना अन्य विश्वविद्यालयके उपकुलपतिमध्ये सभासे मनोनित एक जाने सदस्यमे सुदूरपश्चिम विश्वविद्यालयके उपकुलपति प्रा डा हेमराज पन्तहे मनोनीत कैना निर्णय कले बा ।
बैठकसे शहिद दशरथ चन्द
स्वास्थ्य विज्ञान विश्वविद्यालय ऐन, २०८२ परिच्छेद ४ के दफा ७ के उपदफा
(२) के खण्ड (ठ) बमोजिम विज्ञान तथा प्रविधि, व्यवस्थापन, कानुन, शिक्षा, समाजशास्त्र, मानवशास्त्रके विज्ञमध्येसे तपसिलके महानुभावहुकनहे सभाके सदस्यमे मनोनयन कैना ।
१. प्रा डा जयराज अवस्थी, दार्चुला
२. प्रा डा अम्मराज जोशी, बझाङ
३. डा लवदेव अवस्थी, वैतडी
४. प्रा डा संगीता राजभण्डारी, काठमाडौं
५. डा डम्बरबहादुर पाल, दार्चुला
६. सह प्रा अनुराधा रोकाय, कञ्चनपुर
शहिद दशरथ चन्द स्वास्थ्य विज्ञान विश्वविद्यालय ऐन, २०८२ के दफा २५ के उपदफा (१) बमोजिम उपकुलपति ओ रजिष्ट्रार नियुक्तिके लाग देहाय बमोजिमके सिफारिस समिति गठन कैना ।
(क) प्रा डा जयराज अवस्थी संयोजक
(ख) प्रा डा दिपक महरा सदस्य
(ग) प्रा डा भारती जोशी सदस्य
