स्वावलम्बन लघुवित्तसे फलफूलके टेलुवा वितरण
पहुरा समाचारदाता
धनगढी, ३० कुवाँर । स्वावलम्बन लघुवित्त वित्तीय संस्था लिमिटेड शाखा कार्यालय हसुलिया कैलारीसे विफेक रोज फलफूलके टेलुवा वितरण करले बा ।
सामाजिक उत्तरदायित्व कार्यक्रम अन्र्तगत लघुवित्तसे आपन समुहमे जोरल सदस्यहुकनहे फलफूलके टेलुवा वितरण करल हो । कैलारी गाउँपालिका उपाध्यक्ष भगवतीकुमारी चौधरीके वरका पहुनामे हुइल कार्यक्रममे उहाँ लघुवित्तसे मजा कार्य करल बटैली ।
समुहके महिला सदस्यहुकन लघुवित्तसे लेहल लोन उद्देश्यमे लगानी कैके फाइदा लेना ओ समयमे लौटैना आग्रह करली । उहाँ कहली, हम्रहिनहे आवश्यकता परल बेला हम्रे लघुवित्तसे लोन समयमे नैतिरके ढेर हुइलबेला अप्ध्यारोमे पर्ना समस्या अइना करठ ।
स्वावलम्बन लघुवित्त वित्तीय संस्था लिमिटेडके क्षेत्रीय प्रवन्धक लोकबहादुर रखाल अब्बे घरे लगाइक लाग केल्ह फलफूलके टेलुवा वितरण करल मने समुहके कोई सदस्य व्यवसायिक रुपमे खेती करलेसे लघुवित्त सहयोग समन्वय कैना बटैलै ।
कृषि विज्ञ ओम प्रसाद पनेरु अपन ३४ बर्ष कृषि क्षेत्रमे अनुभव सुनैटी कोई किसानहे सल्लाह लेहे चाहलेसे निशुल्क रुपमे परामर्श डेना बटैलै । उहाँ कहलै, किसानहुक्रे आपनहे चाहल मौसमी वेमौसमी टिना बरसभर करेसेक्ठै । दुृई÷चारठो रुखुवक टेलुवा लगैना हो कलेसे उत्तर या पश्चिम ओर लगैना ओ औरेक जग्गासे १० जग्गासे १० या २० फिटके दुईमे लगैना सुझाव डेलै ।
स्वावलम्बन लघुवित्त वित्तीय संस्था लिमिटेड शाखा कार्यालय हसुलियासे जोरल महिला समुहके ६० जनहनहे प्रतिव्यक्ति एक÷एक ठो आँम, अम्रुट ओ लिचि टेलुवा वितरण करल शाखाके प्रमुख देवकी साउद बटैली । फलफूल वितरण कार्यक्रमके संचालन शाखाके सहायक सुनिता चौधरी करल रही । कार्यक्रममे का.स दिपकराज जोशी, प्रदीपकुमार कुश्मीलगायत महिला समुहके सदस्यहुकनके सहभागिता रहे ।
