पोषण सुधारके लाग कैलारीके अगुवा कृषकहे पोषण बगैचा तालिम

पहुरा समाचारदाता
धनगढी, ३१ कुवाँर । कैलाली जिल्लाके कैलारी गाउँपालिका वडा नम्बर ४ ओ ७ के अगुवा कृषकहुकनके लाग चार दिने कृषिमे आधारित पोषण बगैचा तालिम डेहल बा ।

याक नेपालके आयोजनामे तथा कैलारी गाउँपालिका कृषि शाखाके समन्वय ओ केयर नेपाल, आइडिई नेपालके आर्थिक सहयोगमे पोषण परियोजना अन्र्तगत अगुवा कृषकहुकनहे कृषिमे आधारित पोषण बगैचा तालिम डेहल हो ।

पोषण बगैचा ओ घरयासी कुखुरापालन प्रणालीके प्रभावकारी विकास तथा प्रवद्र्धन कैना सक्षम बनैना, सीप ओ प्रविधिगत ज्ञान अभिवृद्धि कैना, स्वास्थ्य आमा समुहके सदस्यहुकनसंगफे आपन सीप बँटना क्षमतामे सशक्त बनैना लक्ष्य लेके पोषण बगैचा तालिम डेहल बा ।

मंगरके रोजसे शुकसम हुइल तालिम उदघाटन कैलारी गाउँपालिका उपाध्यक्ष भगवतीकुमारी चौधरी करल रही । कलेसे चार दिनसम सहजीकरण कैलारी गाउँपालिकाके कृषि शाखा प्रमुख मैया चौधरी, पशु शाखाके डा।राजेन्द्र चौधरी, याक नेपालके प्रतिनिधि ओ तालिममे प्रशिक्षक कृषि निर्देशनालयके पूर्व कर्मचारी कृषि विज्ञ विरबहादुर चन्द डेहल रहिट ।

दुई बरसके बालबालिका ओ डाई मनै (हजार दिने डाई), प्रजनन उमेरके १५ से ४९ बरसके महिलाहुकनहे पोषणमे सुधार ल्यानेक लाग पोषण बगैचा तालिम डेहल याक नेपालके अनुगमन मुल्यांकन तथा सिकाई अधिकृत भेषराज उपाध्यक्ष बटैलै ।
तालिममे वडा नम्बर ४ से १२ जाने ओ वडा नम्बर ७ से १३ जाने करके २५ जाने स्वास्थ्य आमा समुहके एक÷एक जाने कृषक अगुवाहुकनके सहभागितामे चार दिनसम पोषण बगैचा अन्र्तगत तरकारी खेती कैना प्रविधि, कुखुराके खोर निर्माण, बंगुर पालन, हजार दिनके डाईनसे घरयासी खाद्य विविधिकरण, महिलनके घरयासी कार्यबोझके विषलेशन ओ महिलनके घरभिटर हुइना आपन निर्णयके विशलेशन करके प्रशिक्षण डेहल याक नेपालके महिला बालबालिका समनता तथा सामाजिक न्याय अधिकृत सरिता चौधरी जानकारी डेली ।

तालिम समापन कैलारी गाउँपालिकाके कृषि शाखा प्रमुख मैयाकुमारी चौधरी पोषण बगैचा सम्बन्धी व्यवहारिक ज्ञान मिलल ओरसे आपन सिखल बाट समुह ओ टोलमे सिखैना आग्रह करली । तालिमके पशिक्षक कृषि विज्ञ विरबहादुर चन्द तालिममे पोषण बगैचा ओ पोषणबारे जानकारी पाइल ओरसे व्यवहारमे लागु कैना आग्रह करलै । तालिममे सहभागी तुल्सी विक घरमे तरकारी खेती लर्कनहे पोषण सम्बन्धी अपन अनुभव अनुसार कैटी रहल मने तालिमपाछे ढेर फाइदा पुगल बटैली ।

तालिम समापन कार्यक्रममे कैलारी गाउँपालिकाके पशु शाखाके डा।राजेन्द्र चौधरी, याक नेपालके कृषि तथा बजारीकरण सहजकर्ता मनोज पुजारा, आशा चौधरी, पोषण तथा सरसफाई सहजकर्ता लक्ष्मी चौधरीलगायतके सहभागिता रहे ।