मोटा धानके समर्थन मोल ३४ सय ६३ रुप्या
पहुरा |
३१ आश्विन २०८२, शुक्रबार
पहुरा समाचारदाता
धनगढी, ३१ कुवाँर । नेपाल सरकारसे धानके समर्थन मोल निर्धारण करले बा ।
जेम्ने मोटा धानके समर्थन मोल ३४ सय ६३ रुप्या ८१ पैसा ओ माध्यम धानके मोल ३६ सय २८ रुप्या ३३ पैसा रहल जनागिल बा ।
जिल्लामे स्थानीय रैयाने वाली प्रर्वद्धन तथा संरक्षण कैना ओ स्थानीय कृषकहुकनहे सहयोग समेत पुगैना उद्देश्यसे नेपाल सरकार मन्त्री परिरषद्के मिति २०८२÷०४÷२६ गतेके निर्णय अनुसार तपशिल बमोजिम धानको न्यूनतम समर्थन मुल्य निर्धारण धानके समर्थन मोल तोकल ओरसे सम्बन्धित सरोकारवाला एवं धानचामलके उद्योगी व्यापारीमे आवश्यक सहयोग ओ जानकारीके लाग अनुरोध करल बा ।
नेपाल सरकारके उ निर्णयहे आ–अपन क्षेत्रभिटर कार्यान्वयन कैना करैना कैलालीके सक्कु स्थानीय तहके कार्यपालिकाके कार्यालयहे विशेष अनुरोध कैगिल बा ।
