सफलता सहकारीके सदस्यहे निसर्गमे २० प्रतिशत छुट
पहुरा समाचारदाता
धनगढी, १४ कार्तिक । धनगढीस्थित निसर्ग हस्पिटल एण्ड रिसर्च सेन्टर प्रालि ओ सफलता महिला विकास बहुउद्देश्यीय सहकारी संस्था लि.बीच सहकारीके सदस्यनहे स्वास्थ्य उपचारमे छुट डेना सम्झौता हुइल बा ।
शुकके सम्पन्न सम्झौता अनुसार सहकारीके शेयर सदस्यहुक्रे निसर्ग हस्पिटलमे टमान स्वास्थ्य सेवामे ५ से २० प्रतिशतसम छुट पैना हुइल बटै ।
सम्झौताअनुसार, सहकारीसे पठाइल बिरामीसे संस्थाके सिफारिस पत्र ओ बिरामीके परिचय खुल्न कागजात पेश करेपर्ना बा । छुटके दायरामे अस्पताल भर्ना, सर्जरी, ल्याब परीक्षण, एक्स–रे, ईसीजी, ईको, औषधि लगायतके सेवा समावेश बटै ।
सम्झौतामे निसर्ग हस्पिटलके अध्यक्ष तिर्थराज पन्त ओ सफलता सहकारीके अध्यक्ष खगेश्वरी जोशी हस्ताक्षर करले बटै ।
सम्झौता कार्यान्वयनमे आइलपाछे सहकारीके सदस्यह्ुकनहे गुणस्तरीय स्वास्थ्य सेवा सहज ओ सुलभ दरमे उपलब्ध हुइना अपेक्षा करल बा ।
