अति अशक्त लाल सिंहहे व्हीलचियर सहयोग

पहुरा समाचारदाता
धनगढी, १७ कार्तिक । अपाङ्गता समावेशी बिकास मिसन टु नेपालसे अति अशक्त लाल सिंह भाटहे व्हीलचियर सहयोग करले बा ।

व्हीलचियरके अभावमे पिठमे धारके उहाँहे भिटर बाहेर करैटी रहल अवस्थामे धनगढी उपमहानगरपालिका –१४ बैठना लाल सिंह भाटके दैनिक जीवनहे सहज बनाइक लाग १ थान व्हीलचियर सहयोग करल अपाङ्गता समावेशी बिकास मिसन टु नेपालसे कार्यकारी निर्देशक तथा अपाङता अभियन्ता नन्दराज भट्ट बटैलै ।

असहाय आर्थिक अवस्था कमजोर हुके सहायक सामग्री किने नैसेक्के घरभिटर बैठना बाध्य अपाङ्गता रहल नागरिकहुकनहे निशुल्क (व्हीलचियर, उज्जर लठठी, वाकर क्रचेच लगायतके) सहायक सामग्री उपलब्ध कराके सामाजिक समायोजन कैना उद्देश्यके साथ आवागमन सहयोग अभियान अन्तर्गत सोम्मारके रोज लाल सिंहहे व्हीलचियर सहयोग करल निर्देशक भट्ट जनैलै ।