सिद्धार्थ ग्रुपसे धनगढीसे सेवा विस्तार
पहुरा समाचारदाता
धनगढी, २२ कात्तिक । सिद्धार्थ ग्रुपसे धनगढीसे फेन आपन सेवा विस्तार करले बा ।
धनगढी उपमहानगरपालिका वडा नम्बर ३ धनगढी चौराहा स्थित सिद्धार्थ हस्पिटालिटीसे आपन सेवा सुरु करल हो । शुकके रोज एक कार्यक्रमके बिच सिद्धार्थ हस्पिटालिटीके उद्घाटन करगिल बा ।
सिद्धार्थ ग्रुपके क्षेत्रीय कार्यकारी निर्देशक केशव न्यौपाने सिद्धार्थ हस्पिटालिटीसे धनगढीसे फेन सेवा सुरु करल जानकारी डेलै । २०५४ साल कैलालीके टीकापुरमे स्थापना होके सेवा सुभारम्भ करल सिद्धार्थ ग्रुपसे धनगढीमे लक्जरी रेष्टुरेण्ट, स्वीमिङ पुल, फन पार्क ओ भब्य ब्यांकेट सहितके सेवा विस्तार करल उहाँ जानकारी डेलै ।
सुदूरपश्चिममे उच्च स्तरीय मनोरञ्जनके पूर्वाधार ओ पर्यटकीय आकर्षणके लाग तयार करल वाटर फन पार्क ओ स्वीमिङ पुलके स्थापनासे आन्तरिक तथा बाह्य पर्यटन प्रर्वद्धन सहित रोजगारी सृजना कैना फेन क्षेत्रीय कार्यकारी न्यौपाने विश्वास व्यक्त करले बटै ।
करिब ३० कठ्ठा क्षेत्रफलमे फैलल् सिद्धार्थ हस्पिटालिटीमे सुविधा सम्पन्न संरचनामे स्वीमिङ पुल, वाटर फन पार्क, १५ सय क्षमताके ब्याँकेट हल लगायत रहल बा । धनगढीमे १७ करोड ढेर लगानीमे सञ्चालनमे आइल सिद्धार्थ हस्पिटालिटी हाल देशभरके टमान ब्राण्ड अन्र्तगत ३० से ढेर होटल रेष्टुरेण्ट ओ रिसोर्ट सञ्चालनमे लन्ले बावै ।
ओस्टके पाँचतारे स्तरमे सिद्धार्थ भिलासा चार तारे सिद्धार्थ वैभव ओ तीन तारे सिद्धार्थ बाटिका जैसिन होटस साथे टमान स्थानमे सिद्धार्थ कटेज, एस क्याफे सहित अन्य सेवा इकाइ सञ्चालनमे लन्ले बावै । हाल सिद्धार्थ ग्रुपमे २ हजार पाँचसयसे ढेर कर्मचारी प्रत्यक्ष रोजगारी पैले बटै । जिहीसे नेपालके पर्यटन ओ हस्पिटालिटी क्षेत्रमे महत्वपूर्ण योगदान पुगाइल क्षेत्रीय कार्यकारी निर्देशक न्यौपाने बटैलै ।
