बिष्ट कल्याणकारी समाजके रक्तदान कार्यक्रममे ५६ पिन्ट रगत संकलन
पहुरा समाचारदाता
धनगढी, २२ कार्तिक । बिष्ट कल्याणकारी समाज कैलालीसे आयोजना करल रक्तदान कार्यक्रम सम्पन हुइल बा ।
शनिबार बिहान ९ बजेसे धनगढीके यात्री होटलके प्राङ्गणमे आयोजना करल रक्तदान कार्यक्रम दुपहर सम्पन्न हुइल हो ।
रक्तदान कार्यक्रमसे ५६ पिन्ट रगत संकलन हुइल बा ।
बिष्ट कल्याणकारी समाजके अध्यक्ष मदन सिंह बिष्ट रक्तदानमे सहभागी हुके ५६ जाने रक्तदान करल जानकारी देलै ।
उहा अनुसार रक्तदान करेपुगल २० जाने भर स्वास्थ समस्याके कारण रगत देहे नैपाइल्पाछे फिर्ता हुइल रहित ।
समाजसे सामाजिक उत्तरदायित्व अन्तरगत पहिल चो शनिबार रक्तदान कार्यक्रम आयोजना करल हो ।
समाजसे अगामी दिनमे समेत सामाजिक उत्तरदायित्वके काम कैना जनाइन बा ।
प्रमुख अतिथि समेत रहल सुदूरपश्चिम प्रदेश सभाके विधायन तथा प्रदेश मामिला समितिके सभापति दिवानसिंह बिष्टसे रक्तदान कार्यक्रमके उद्घाटन करल रहित । कार्यक्रमके अध्यक्षता समाजके अध्यक्ष मदन सिंह बिष्टसे करल रहित ।
रक्तदान कार्यक्रममे सुदुरपश्चिमका सर्वाधिक रक्तदाता तथा रक्तदान सदभावना दुत दीपक उपाध्यायके समेत उपस्थिति रहे ।
बिष्ट कल्याणकारी समाजके अध्यक्ष बिष्टसे आयोजना करल रक्तदान कार्यक्रमहे सफल पर्ना तमान मेरिक सहयोग कैना सक्कुहुन धन्यवाद समेत ज्ञापन कर्ले बतै।
