कैलाली बहुमुखी क्याम्पसके सुभाष गिरी विएससीमे ४.० जीपीए ल्यन्ना सफल
पहुरा समाचारदाता
धनगढी, २७ कार्तिक । कैलाली बहुमुखी क्याम्पसमे विज्ञान संकाय अन्तर्गत भौतिकशास्त्र विषयमे अध्ययनरत छात्र सुभाष गिरी बीएससीके आठौं सेमेस्टरमे ४.० जीपीए हासिल करटी उत्कृष्ट शैक्षिक उपलब्धी प्राप्त करले बटै ।
नियमित अध्ययनशील, अनुशासित ओ परिश्रमी विद्यार्थीके रूपमे चिन्हल गिरी यी आघेफे टमान सेमेस्टरमे उच्च जीपीए हासिल करटी सुदूरपश्चिम विश्वविद्यालयमे अपन शैक्षिक दक्षता प्रमाणित करटी आइल बटै ।
गिरी बिहानसे साँझसम चैतन्य पाठशालामे अध्यापन तथा अन्य जिम्मेवारीमे संलग्न रहटी, रातके समयमे अध्ययनमे केन्द्रित हुइना करठै । उहाँ अनुशासित जीवनशैली, समय व्यवस्थापन ओ निरन्तर मेहनतके परिणामस्वरूप उहाँ बीएससी कार्यक्रममे पूर्ण जीपीए ल्यन्ना उल्लेखनीय सफलता हासिल करल हुइट ।
क्याम्पस प्रशासन ओ सुदूरपश्चिम विश्वविद्यालयसे सुभाष गिरीके यी उपलब्धीहे उच्च सम्मानके साथ सराहना करटी उहाँहे अन्य विद्यार्थीके लाग अनुकरणीय ओ प्रेरणादायी व्यक्तित्वके रूपमे चित्रण करले बटै ।
