कैलारीमे बाल सम्बृद्धि र एकिकृत विकासका लागि हातेमालो परियोजना लागु हुइना

पहुरा समाचारदाता
धनगढी, २८ कार्तिक । कैलालीके कैलारी गाउँपालिका वडा नम्बर ८ मे बाल सम्बृद्धि र एकिकृत विकासका लागि हातेमालो परियोजना लागु हुइना बा ।

विफेक रोज वल्र्डभिजन इन्टरनेशनल नेपालके सहयोगमे बाल कल्याण संघ टीकापुर, दिगो विकास समाज भजनी ओ यार्ड धनगढीके संयूक्त आयोजना तथा कैलारी गाउँपालिकाके समन्वयमे हुइल परियोजना परिचयात्मक कार्यक्रममे उ जानकारी डेहल हो ।

वल्र्डभिजन इन्टरनेशनल नेपालके सहयोगमे बाल कल्याण संघ टीकापुर, दिगो विकास समाज भजनी ओ यार्ड धनगढीसे संयूक्त रुपमे उ परियोजना लागु करेलागल दिगो विकास समाजके मार्केटिङ कोडनेटर विनोद शाह बटैलै । यि परियोजना सन २०२६ से २०३० समके लाग हुईना उहाँ जनैलै ।

कैलारी गाउँपालिका वडा नम्बर ८ मे दिगो विकास समाज भजनीसे पोषण तथा उत्थानशिल जिविकोपार्जन परियोजनामार्फत ओ बाल कल्याण संघसे बाल स्पोन्सर सीप परियोजना संचालन करटी आइल रहे । कलेसे अब्बे भर शिक्षा क्षेत्रमे कार्य करटी आइल यार्ड धनगढी करल तीन ठो परियोजनाहे गाँभके एक ठो सम्बृद्धि र एकिकृत विकासका लागि हातेमालो परियोजना लागु करे लागल उहाँ बटैलै ।

परियोजना परिचयात्मक कार्यक्रममे बाल कल्याण संघ टीकापुरके कार्यक्रम संयोजक राधिका गिरी तिनु संस्थासे सन २०२१ से २०२५ सम करल संचालन करल परियोजनाके उपलब्धी, सिकाई ओ चुनौतीबारे प्रस्तुतीकरण करल रहिट ।
बाल कल्याण संघ टीकापुरसे कैलाली जिल्लामे वल्र्ड भिजन ईन्टरनेशनल नेपाल संगके साझेदारीमे बाल स्पोन्सरसिप तथा वाल संरक्षण पैरवी परियोजना अन्र्तगत अति जोखिममे रहल बालबालिकाहुकनके जीवनमे सम्वृद्धि ल्यानेक लाग कार्यकम करटी आइल बा ।

परियोजनाके चिसापानी क्षेत्र अन्र्तगतके कार्यक्रम, भजनी नगरपालिका (वडा ४ ओ ९), घोडाघोडी नगरपालिका (वडा १, २, ३, ५, ६, ७, ८, १०, ११ ओ १२), गौरीगंगा नगरपालिका (वडा १० ओ ११), ओ कैलारी गाउँपालिका (वडा ८) तथा ओस्टेक करके कैलाली पूर्व क्षेत्र अन्र्तगतके कार्यक्रम टीकापुर नगरपालिका (वडा ६, ७, ८, ९) ओ भजनी नगरपालिका (वडा १, २, ३, ५ ओ ७) के छनोट करल वडामे कार्यक्रम सञ्चालन हुइटी रहल बा ।

यी अवधिमे परियोजनासे प्रत्यक्ष लाभान्वित हुइना कुल १७ हजार ७६२ लाभग्राही रहल रहल बटै । कलेसे जेम्ने जीवन सीप ओ सुरक्षा सहयोग प्राप्त कैना ९३२१ बालबालिका, ६३०० दर्ता हुइल बालबालिका ओ लक्षित सहायता प्राप्त कैना ५३५ अति जोखिममा रहल बालबालिका तथा परिवार समावेश बटै ।

कैलारी गाउँपालिका वडा नम्बर ५ के वडा अध्यक्ष विष्णु प्रसाद चौधरीके अधयक्षतामे हुइल कार्यक्रममे वडा नम्बर ८ के वडा अध्यक्ष तारामल कठरिया रहल रहिट । कार्यक्रममे वडा अध्यक्ष विष्णु प्रसाद चौधरी कैलारी–५ मे पोषणके १६ सुचक मन्से ढेर पुरा हुइल मने गाउँघरमे बालविवाह, बहुविवाह, विचमे विद्यालय छोरना समस्या आइल बटैलै । कैलारी गाउँपालिकाके वडा नम्बर ८ मे तिनु संस्थाके कार्यकरटी आइल ओरसे उ ठाउँमे बालमैत्री वडा घोषणा कैनामे सक्कु जानेक सहयोग आवश्यक रहल बटैलै ।

कार्यक्रममे सामाजिक विकास शाखा प्रमुख यगम कलेल, महिला तथा बालबालिका शाखाके प्रमुख बालकुमारी चौधरी, स्वास्थ्य शाखा प्रमुख नरेशकुमार चौधरी सुझाव सल्लाह डेहल रहिट । कार्यक्रमके संचालन बाल कल्याण संघके मुल्याङकन अधिकृत हरि जोशी करले रहिट । कार्यक्रममे वडा अध्यक्षहुक्रे, बाल कल्याण संघके सामाजिक परिचालक प्रेम चौधरी, कैलारी गाउँपालिकाके टमान शाखाके प्रमुखहुकनके सहभागिता रहे ।