टमान मुद्दाके ४२ जाने फरार प्रतिवादी पक्राउ
पहुरा समाचारदाता
धनगढी, २ अगहन । जिल्ला प्रहरी कार्यालय कैलाली तथा मातहत प्रहरी ईकाईसे खटल प्रहरी टोलीसे मंगरके रोज ४२ जनहनहे पक्राउ करले बा । फैसला कार्यान्वयन अन्तर्गत जिल्ला अदालत कैलालीके फैसलासे कैद, जरिवाना भुक्तान कैना बाँकी रहल ४२ जाने पक्राउ परल जिल्ला प्रहरी कार्यालय कैलाली जनैले बा ।
जिल्लाके टमान ठाउँमे लुकीछिपी बैठल अवस्थामे फेला पारके पक्राउ करके ओइनहे जिल्ला अदालत कैलालीमे बुझाइल बा । पक्राउ परलमे कैलालीके भजनी न.पा.वडा नं.२ रजवारा बैठना सन्दिप चौधरी, वडा नम्बर १ बेठना तपेन्द्र बोहरा, वडा नम्बर ५ लालबोझी बैठना सेते भण्डारी रहल बटै ।
ओस्टेक धनगढी उ.म.न.पा. ०१ पसुपती टोल बैठना राहुल, बन्दना गुप्ता, वडा नम्बर ८ बैठना गोकर्ण, वडा नम्बर १४ बैठना स्याउले बैठना सेते, जमुना कुमारी दमाई, चादनी परियार रहल बटै ।
ओस्टे बर्दगोरिया गा.पा. ०२ बैठना सन्जित, वडा नम्बर १ कट्टिपुर बैठना अम्मर खतिवडा कना अमर प्रसाद जैशी, वडा नम्बर २ बैठना बर्ष ३० के आशिक चौधरी रहल बटै ।
ओस्टे टिकापुर न.पा. ०१ बसपार्क बैठना बर्ष ३४ के गणेश औजी, वडा नम्बर १ बैठना नरेन्द्र बहादुर साउद,
वडा नम्बर ०१ दुर्गानगर टोल बैठना जयकला रावल (भट्ट)लगायतके प्रहरी प्रक्राउ करल जनैले बा ।
ओस्टेक अगहन १ गते फैसला कार्यान्वयनके सिलसिलामे जिल्ला अदालत कैलालीके फैसलासे लागुऔषध (खैरो हेरोइन) मुद्दामे कैद ओ जरिवाना टोकल एक जाने पक्राउ परल बटै ।
२ महिना ५ दिन कैद सजाय ओ रु.२ हजार जरिवाना तोकल जिल्ला कैलाली, गोदावरी न.पा.२ बसपार्क बैठना बर्ष २६ के प्रमोद चौधरीहे इलाका प्रहरी कार्यालय मालाखेती, कैलालीसे खटल प्रहरी टोली हुकाने घर ठेगानासे पक्राउ करल हो ।
