फरार सात प्रतिबादी पक्राउ
पहुरा समाचारदाता
धनगढी, ४ अगहन । फैसला कार्यान्वयनके सिलसिलामे जिल्ला अदालत कैलालीके फैसलासे कैद सजाय तथा जरिवाना ठहर हुके फरार रहल प्रतिवादी पक्राउ परल बटै ।
जिल्ला प्रहरी कार्यालय कैलाली तथा मातहत कार्यालयसे खटल प्रहरी टोलीसे लागुऔषध मुद्दामे १ महिना कैद सजाय तोकल धनगढी–७ बेली बैठना बर्ष ३० के सुरेश नेपाली पक्राउ परल बटै ।
चोरी मुद्दामे २ महिना कैद सजाय ओ रु.२ हजार जरिवाना तोकल धनगढी–७ बेली बैठना बर्ष २३ के प्रदिप राना, बिना ईजाजतबन पैदावार हानि नोक्सानी कसुर मुद्दामे २ महिना ८ दिन कैद सजाय र रु.२० लाख १४ हजार जरिवाना तोकल कैलालीके मोहन्याल गा.पा.३ साँवा बैठना वर्ष ५६ के नन्दराम बुढाहे पक्राउ कैगिल बा ।
ज्यान मर्ना उद्योग मुद्दामे २ वर्ष कैद सजाय ओ रु.२० हजार जरिवाना तोकल जिल्ला कैलाली, धनगढी–८ बैठना बर्ष ३८ के नन्दलाल राना, बैंकिङ कसुर मुद्दामे २ महिना कैद सजाय ओ रु.२ हजार जरिवाना तोकल कैलालीके धनगढी–५ बैठना बर्ष ६२ के कृष्ण श्रेष्ठहे पक्राउ कैगिल बा ।
जवरजस्ती करणी मुद्दामे ३ बर्ष ६ महिना कैद सजाय तोकल कैलाली, लम्कीचुहा न.पा.५ तिलकपुर बैठना बर्ष २७ के लक्ष्मण कार्कीहेफे प्रहरी पक्राउ करले बा ।
ओस्टेक करके फैसला कार्यान्वयनके सिलसिलामे जिल्ला अदालत कञ्चनपुरके फैसलासे लागुऔषध मुद्दामे ४ महिना कैद सजाय तोकल जिल्ला कञ्चनपुर, भीमदत्तन.पा.६ बनगाँउ बैठना बर्ष ३२ के बिबेश बोगटीहे जिल्ला प्रहरी कार्यालय कञ्चनपुरसे खटल प्रहरी टोलीसे हुकान घर ठेगानासे पक्राउ करले बा ।
ओस्टेक करके फैसला कार्यान्वयनके सिलसिलामे जिल्ला अदालत बैतडीके फैसलासे लागुऔषध (चरेश) मुद्दामे १ बर्ष ७ महिना ६ दिन कैद सजाय ओ रु.१५ हजार जरिवाना तोकल जिल्ला बैतडी, पुर्चौडी न.पा.४धौलकाडा बैठना बर्ष ३५ के भावना धामीहे अस्थायी प्रहरी पोष्ट धौनाखोली,बैतडीसे खटल प्रहरी टोलीसे हुकाने घर ठेगानसे पक्राउ करल हो ।
