कैलारी–७ मे संचालित पोषण परियोजनाके गतिविधिके अनुगमन
पहुरा समाचारदाता
धनगढी, ६ अगहन । कैलाली जिल्लाके कैलारी गाउँपालिका वडा नम्बर ७ मे संचालन पोषण परियोजनाके गतिविधिके प्रभावकारिता ओ सुझाव संकलनके लाग अनुगमन कैगिल बा ।
केयर नेपाल, आइडिइ नेपालके आर्थिक सहयोग ओ याक नेपालसे सञ्चालित पोषण परियोजना अन्र्तगतके गतिविधि तथा गठन हुइल स्वास्थ्य आमा समुहके सदस्यहुकनहे भेटघाट कैगिल बा । कैलारी गाउँपालिका उपाध्यक्ष भगवतीकुमारी चौधरीके विशिष्ट आतिथ्यतामे हुइल पालिका स्तरीय परियोजना सल्लाहकार अनुगमन समितिसे वडा नम्बर ७ रामपुरमे रहल प्रगतीशिल स्वास्थ्य आमा समुहके छलफल तथा उहाँहुकनसे सञ्चालन करल पोषण बगैचाके स्थलगत अनुगमन करल हो ।
कार्यक्रममे गाउँपालिका उपाध्यक्ष भगवतीकुमारी चौधरी पोषण परियोजनाके प्रभावकारिता मजा रहल ओ यी परियोजना संचालन कैडेलकमे केयर नेपाल, आइडिइ नेपाल ओ याक नेपालहे धन्यावाद डेटी समुहके महिलाहुकन पोषण बगैचाहे निरन्तरता ओ बचत जारी रख्ना आग्रह करली ।
समुहके अध्यक्ष सोनीय चौधरी परियोजना लागुपाछे हजार दिनके सुत्केरी तथा गर्भवती महिला पौष्टिक खानापानहे ध्यान डेहे लागल बटैली । ओस्टेक करके अर्गानिक टिना करल जनैली ।
कैलारी गाउँपालिकाके महिला तथा बालबालिका शाखा प्रमुख बालकुमारी चौधरी पोषणसंगे लैगिंक ंिहसा न्यूनिकरणमे ध्यान डेना आग्रह करली ।
स्वास्थ्य शाखा प्रमुख नरेशकुमार चौधरी पहिलेक पोषणके सुचांक कम्जोर रहल मने सुधार हुइटी गैल बटैलै ।
अनुगमनमे याक नेपालके पोषण परियोजना संयोजक रमणराज जोशी, सल्लाहकार धनबहादुर रावल, आइडिइ नेपालके परियोजना संयोजक दामोदर भट्ट, केयर नेपालके जेसि अधिकृत विना पन्त, याक नेपालके लैङिक समानता सामाजिक समावेशीकरण अधिकृत सरिता चौधरी, कैलारी गाउँपालिका प्रमुख प्रशासकीय अधिकृत खगेन्द्रराज जोशी, सामाजिक शाखा प्रमुख यगम कलेललगायत सुझाव डेहल रहिट ।
कार्यक्रममे याक नेपालके फिल्ड सहजकर्ता मनोज पुजारा, लक्ष्मी चौधरी परियोजनासे करटी गतिविधिके बारे जानकारी करैले रही । अनुगमनमे याक नेपालके भेषराज उपाध्याय, कैलारी गाउँपालिकाके कार्यपालिका सदस्य सुन्दरी चौधरी, वडा सदस्य टुनीराम चौधरी, योजना शाखा प्रमुख सन्तोषकुमार चौधरी, कृषि शाखा प्रमुख मैया चौधरी, याक नेपालके फिल्ड सहजकर्ता आशा चौधरीलगायतके उपस्थिति रहे ।
