खाद्य अधिकारके सवालमे छलफल

पहुरा समाचारदाता
धनगढी, १० अगहन । फियान नेपालके आयोजनामे बुधके रोज खाद्य अधिकारके सवालमे छलफल कैगिल बा ।
दिगो विकास लक्ष्यके दुई नम्बर बुँदा भोकमारीके अन्त्य ओ १३ नम्बर बुँदा जलबायू परिवर्तनसे पारल असरबारे विशेष छलफल कैगिल हो । फियान नेपालके सल्लाहकार अध्ययन अनुगमन विज्ञ डा. सर्वराज खडका सहजीकरण करटी सुदूरपश्चिममे खाद्य अधिकारके अवस्था, चुनौतीबारे सुझाव संकलन करल रहिट ।

छलफलमे सहभागी हुइल राष्ट्रिय दलित नेटवर्कके केन्द्रिय सदस्य प्रेम विक मुक्तकमैया, हलिया ओ सीमान्तकृत वर्गहे अपने लगाइल खेतीसे बरस भर खाई नैपुग्ना बटैलै ।

याक नेपालके अध्यक्ष ह्रदय पुजारा सुदूरपश्चिम प्रदेशमे पहाडी भेगमे पोषणयुक्त खानाके बञ्चित हुईबेर ढेर बच्च कुपोषित हुइल बटैलै । खाद्य अधिकार संजालके राजेन्द्र रैका रैथाने वाली संरक्षणमे जोर डेहल रहिट ।

छलफल कार्यक्रममे किसानहुक्रनके समस्या, अर्गानिक खेती, जलवायू परिवर्तन ओ ओकर असर, स्थानीय अर्गानिक उत्पादनहे विद्यालयमे दिवा खाजासे जोरेपर्नालगायत विषय बस्तुहे समेटके छदफल कैगिल बा । छलफल कार्यक्रममे फियान नेपालके सुदूरपश्चिम प्रदेश संयोजक मुकुन्द राना, प्रकाश नेंगी, गैरसरकारी संस्थाके प्रतिनिधि, संचारकर्मीनहे सहभागिता रहे ।