उद्यमीसे भोगे परल लैङिक ंिहसाबारे अभिमुखीकरण

पहुरा समाचारदाता
धनगढी, ११ अगहन । ३४औं लैंङिक हिंसा विरुद्धके १६ दिने अभियान अन्र्तगत उद्यमीहुक्रे भोग्नु परल लैङिक ंिहंसा ओ उहीसे बाँचेक लाग अपनाइल उपायके बारेमे उद्यमीहुकनविच छलफल तथा अभिमु्खीकरण कार्यक्रम करल बा ।

मुक्त कमैया महिला विकास मञ्चले एफसिए नेपालके सहयोगमे गैरपरम्परागत क्षेत्रमे महिला उद्यमशिलता विकास परियोजना अन्र्तगत विफेक रोज अत्तरीयामे उद्यमीविच छलफल करल हो ।

गोदावरी नगरपालिकाके महिला, बालबालिका तथा जेष्ठ नागरिक शाखा प्रमुख गोदावरी खत्री लैङिक ंिहसा न्यूनिकरणबारे प्रस्तुतीकरण करटी हिंसा सहटी गैलेसे भारी घटनामे परिणत हुइना बटैटी ओकर समयमे प्रतिकार करेपर्ना बटैली ।
समाजमे अभिनफे पितृसत्तात्मक सोचके कारण लैङिक हिंसामे कमी आई नैसेकल उहाँ बटैली । महिलाहुकनहे गर्भसे विभेद करटी भोज हुके गैलपाछे सासुया पटुहिया बनटसम विभेद तथा हिंसा हुइना करल उहाँ बटैली ।

बालविवाह, मानव बेचविखन, मावन तस्कारीके कारण महिला हिंसामे परठै, उहाँ कहली, ‘ राजनितिक, आर्थिक, सांस्कृति तथा सामाजिक रुपमे महिलाहे पाछे पारल बा । हिंसा घरसे सुरुवाट हुइटी हेराई, बोलाई, व्यवहारसे हिंसा हुइटी रहल बा ।
महिलाहुक्रे आर्थिक रुपमे बल्गर, सशक्त नैहुइटसम हिंसा न्यूनिकरण करेनैसेक्ना शाखा प्रमुख खत्री बटैली ।

अत्तरियामे रहल महिला तथा बालबालिका सेफ हाउसके प्रमुख जानकी मलासी महिलाहुक्रे आफन्तसे ढेर पीडित हुइल बटैली ।
कोई–कोई महिला तथा बालिका अपने गोसिया, बा, डाडु भैया वा लग्गेक संघरियासे बलात्कृत ह्ुइल बटै । अब्बेक अवस्था हेरलेसे समाज केहोर जाइटा कना गम्भीर चिन्ताके विषय बनल उहाँ बटैली । महिला तथा बालबालिकाहे प्रलोभनमे पारके बलात्कार कैना वा सम्पति हरपनालगायत हिंसामे परल उहाँ बटैली ।

कार्यक्रममे मुक्त कमैया महिला विकास मञ्चके उद्यम विकास अधिकृत सन्तोष पराजुली महिला उद्यमीहुक्रे सामना कैना टमान समस्याके विश्लेषण कैना ओ व्यापार व्यवसाय÷उद्यम स्थापना, संचालन करेबेर हुई सेक्ना सम्भवित लैङिक हिंसाबारे जानकारी डेहल रहिट ।

सरकारी ओ गैरसरकारी माध्यमसे चालल कदम अन्वेशण कैना महिला उद्यमशिलता प्रवद्र्धन कैना संस्था लैङिक हिंसा विरुद्ध चालल कदमबारे प्रस्तुतीफे प्रस्तुतीकरण करल रहिट ।

जिल्ला प्रहरी कार्यालय कैलालीके आर्थिक बर्ष २०८०÷०८१ सालके तथ्यांक अनुसार सुदूरपश्चिम प्रदेशमे यौनजन्य हिंसाके म्ुद्दा २८९ ठो, जवरजस्ती करणी तथा हत्याके १ ठो, बहुविवाहके ८० ठो मुद्दा दर्ता हुइल उहाँ बटैलै ।

ओस्टेक करके वालविवाहके मुद्दा दर्ता ७ ठो, तेजाव प्रहार एक ठो, घरेल्ु हिंसाके सबसे ढेर ९ हजार २१४ ठो मुद्दा, अवैध गर्भपतनके ५ ठो, जातीय छुवाछुटके एक ठो, मानव वेचविखन तथा ओसारपसारके १० ठो मुद्दा दर्ता हुइल बटैलै ।
मञ्चके उद्यम विकास अधिकृत पराजुली महिलाहुकनहे उद्यमी बनाइक लाग सहयोग सपोट करटी आइलफे बटैलै । कार्यक्रममे मञ्चके उद्यम विकास सहजकर्ता सुरेश भट्टलगायत गोदावरी नगरपालिकाके टमान वडासे उद्यमी महिलाहुकनके सहभागिता रहल रहे ।

प्रविधिके सही प्रयोग करी, लैङिक हिंसा अन्त्य करी कना मुल नाराके साथ ३४औं लैंङिक हिंसा विरुद्धके १६ दिने अभियान सुरुवाट हुइल बा । प्रत्येक बरस नोभेम्बर २५ से डिसेम्बर १० अर्थात अगहन ९ से २४ गतेसम लैङिक लैंङिक हिंसा विरुद्धके १६ दिने अभियान मनैना करजाइठ ।