कैलालीके औषधी व्यवसायी आन्दोलित
पहुरा समाचारदाता
धनगढी, ११ अगहन । काठमाण्डौमे गैल अगहन २ गतेसे आन्दोलन सुरु करल औषधि व्यवसायीहुक्रे सरकारविरुद्ध धनगढीमेफे प्रदर्शन करले बटै ।
गैल मंगर काठमाडौंके बिजुलीबजारस्थित औषधि व्यवस्था विभागके कार्यालयमे पुगके संशोधित औषधि ऐनमे धारल दण्ड, जरिबाना ओ संस्था खारेजी सम्बन्धी प्रावधान तत्काल खारेज करेबेर माग करटी आन्दोलन सुरु करल हुइट ।
संस्थाके नवीकरण एक महिनाभिटर नैकरलेसे स्वतः खारेज हुइना लगायतके प्रावधान संविधानके समेत बर्खिलापमे आइल ओरसे अपने ओकर खारेजीके माग करटी आन्दोलनमे उटरे परल नेपाल औषधी व्यवसायी संघ कैलालीके अध्यक्ष प्रेमराज बुढाक्षेत्री बटैलै । उहाँ अपनेह्ुकनके माग सम्बोधन नैहुइलेसे कडा आन्दोलनमे उटरना बटैलै ।
औषधी ऐन, २०३५ हे संशोधन करके बनल ऐनमे एक महिनाभिटर संस्था नवीकरण नैकरलेसे स्वतः खारेज हुइना व्यवस्था करल बा । उ प्रति ब्यबसयीहुकनके आपत्ति जनाइल हुइट ।
